Pavlodar munaı-hımııa zaýytynda jóndeý jumystary bastaldy
«Qazaqstan Respýblıkasynyń Energetıka mınıstrligi bekitken jóndeý jumystaryn júrgizý kestesine sáıkes 2020 jyly «Pavlodar munaı-hımııa zaýyty» JShS-de («PMHZ» JShS) aǵymdaǵy josparly-aldyn alý jóndeý jumystary osy jyldyń 25 mamyry men 13 maýsymy aralyǵynda josparlanǵan bolatyn«, - dep atap ótedi kompanııadan.
Taratylǵan málimetke qaraǵanda, tótenshe jaǵdaı tártibin saqtaý maqsatynda «PMHZ» JShS-de jóndeý jumystaryn qaýipsiz júrgizýin qamtamasyz etý boıynsha tıisti taldaý jasaldy. «PMHZ» JShS qyzmetkerleriniń qaýipsizdigin qamtamasyz etý úshin 8 saǵattyq jumys kestesi qoldanyla otyryp, jumystardy júrgizý kestesi men merdiger uıymdardyń jumys tártibi qaıta qaraldy. Bul jóndeý jumystaryn júrgizetin qyzmetkerlerge jumys alańdarynda, qoǵamdyq tamaqtaný oryndarynda jáne tasymaldaý kezinde yńǵaıly jaǵdaı týǵyzady.
«Tótenshe jaǵdaıdy eskerip jáne jumys kólemin tolyq oryndaý maqsatynda «PMHZ» JShS-de josparly-aldyn alý jóndeý jumystaryn 2020 jylǵy 25 sáýirde bastaý týraly sheshim qabyldandy. «QazMunaıGaz» UK AQ aqparatyna sáıkes Atyraý jáne Shymkent munaı óńdeý zaýyttary óz qyzmetin qalypty jaǵdaıda jalǵastyrýda. Qolda bar qordy qosa alǵanda zaýyttardyń óndiris kólemi elimizdiń ishki naryqtaǵy aǵymdaǵy qajettiligin 3 aıdan astam merzimge qamtamasyz etedi» delingen taratylǵan aqparatta.