Pavlodar munaı-hımııa zaýyty tolyq iske qosyldy

PAVLODAR. QazAqparat – Búginde Pavlodar munaı-hımııa zaýytynyń (PMHZ) barlyq qondyrǵysy kúrdeli jóndeýden keıin qalypty tehnologııalyq rejımde jumys istep tur. Óndiris orny josparlanǵan merzimnen erte, ıaǵnı, 4 kún buryn tolyq iske qosyldy, dep habarlady QazAqparat.

«PMHZ» JShS shıki munaı óńdeý kólemin táýligine 15 myń tonnaǵa deıin arttyrdy. Negizgi ónimder (dızel otyny, benzın, bıtým, munaı koksy jáne suıytylǵan gaz) shtattyq rejımde jóneltilip jatyr.

Ónerkásipte qaýipsizdikti qamtamasyz etý erejesine saı josparly jóndeý jumystary kezinde jabdyqtarǵa revızııa jasalyp, tehnıkalyq kýálandyrý ótkizildi. Kásiporynnyń senimdi ári toqtaýsyz jumysyn qamtamasyz etý maqsatynda syıymdylyq, sorǵy, jylý almasý jabdyqtary, tehnologııalyq peshterdiń qubyrlary, tehnologııalyq qubyrlardyń bólikteri, sondaı-aq, normatıvtik qyzmet merzimi ótken katalızator men adsorbentter aýystyryldy.

Josparǵa saı baıaý koksteý qondyrǵysynyń tútin shyǵaratyn qubyry aýystyryldy. Bıtým óndiretin qondyrǵynyń tútin shyǵaratyn qubyrynyń elementteri jóndeýden ótti. Budan basqa, óndiriske qajetti mańyzdy elektr jabdyqtary da aýystyryldy.

Sonymen qatar jol bıtýmynyń táýliktik óndirisin 15%-ǵa arttyrýdy kózdeıtin ózge de jumystar atqaryldy. Al «QazMunaıGaz» UK AQ-nyń úsh jyldyq jóndeýaralyq kezeńge shyǵý jónindegi bastamasy aıasynda tehnologııalyq qondyrǵylardy qosarlaýshy saqtandyrý klapandarymen qosymsha jabdyqtaýdyń birinshi kezeńi oryndaldy.

Josparly túrde jáne aldyn ala júrgizilgen jóndeý jumystaryna merdiger uıymdardyń 1 600 mamany, sondaı-aq, arnaıy tehnıkanyń 49 birligi (avtokrandar, avtokótergishter) tartyldy.