Pavlodar munaı-hımııa zaýyty bir aı jóndeýge jabyldy

PAVLODAR. QazAqparat - Ónerkásip qaýipsizdigin qamtamasyz etý salasyndaǵy zańnama talaptaryna sáıkes Pavlodar munaı-hımııa zaýytynda josparly kúrdeli jóndeý jumysy bastaldy, dep habarlaıdy QazAqparat.

Jumys kestesin QR Energetıka mınıstrligi bekitti.

Ol boıynsha 20 maýsym men 19 shilde aralyǵynda Pavlodar munaı-hımııa zaýytynyń jumysy ýaqytsha toqtaıdy.

Kásiporynda kúrdeli jóndeý kezinde júrgiziletin jumystyń negizgi bóligine tehnologııalyq jabdyqtardyń (qubyrlar, peshter, bý qubyrlary jáne t.b.) ónerkásiptik qaýipsizdigin tehnıkalyq turǵydan kýálandyrý, jóndeý jáne saraptaý kiredi.

QR «Azamattyq qorǵaý týraly» zańy men saladaǵy qoldanystaǵy normatıvtik qujattardyń talaptaryna sáıkes, joǵaryda atalǵan jumystardy oryndaý kezinde zaýyttyń tehnologııalyq obektilerin paıdalanýdy tolyq toqtatý talap etiledi.

Zaýyt jumysy toqtaıtyn kezeńge benzın men dızel qory jetkilikti mólsherde jınaqtalǵan (tıisinshe 37 myń jáne 47 myń tonna).

Bul kólem kásiporyndy jóndeý kezinde ónimdi birqalypty jóneltip otyrýǵa múmkindik beredi.

QMG munaı óńdeý zaýyttarynda 2023 jyly josparly-aldyn alý jóndeý jumystaryn júrgizý merzimderi zaýyttardyń tehnologııalyq qýatyndaǵy erekshelikteri men Qazaqstannyń ishki naryǵyndaǵy munaı ónimderiniń balansyn eskere otyryp josparlandy.

Kestege sáıkes, buǵan deıin 15 naýryz ben 7 sáýir aralyǵynda Shymkent munaı óńdeý zaýytynda jóndeý jumystary júrgizildi.