Pavlodar men Ekibastuzda aýyzsýǵa qosylatyn hlor ne sebepti kóbeıtildi

<p>PAVLODAR. KAZINFORM &mdash; Sońǵy kúnderi Pavlodar men Ekibastuz qalalarynyń turǵyndary krannan aqqan aýyzsýdyń tym kópirship, hlordyń ıisi shyǵyp turatynyna shaǵymdana bastady. Jergilikti sanıtarııalyq-epıdemıologııalyq qyzmet mamandary bul qajettilikten týyndaǵan qadam ekenin túsindirdi.</p>

Pavlodar oblysynyń sanıtarııalyq-epıdemıologııalyq baqylaý departamenti basshysynyń orynbasary Gúlnara Aqylbekova Kazinform tilshisine bergen suhbatynda bul ózgeristiń sebebin bylaısha túsindirdi:

Foto: Pavlodar oblysynyń sanıtarııalyq-epıdemıologııalyq baqylaý departamenti

— QR Densaýlyq saqtaý mınıstrliginiń Ulttyq qoǵamdyq densaýlyq saqtaý ortalyǵy sý tasqyny kezeńindegi sanıtarııalyq-epıdemıologııalyq jaǵdaıdy eskere otyryp, profılaktıkalyq is-sharalar sheńberinde gıperhlorlaýdy qarastyrýdy usyndy. QR Densaýlyq saqtaý mınıstriniń 2022 jylǵy 24 qarashadaǵy «Sharýashylyq-aýyzsý jáne mádenı-turmystyq sý paıdalaný qaýipsizdigi kórsetkishteriniń gıgıenalyq normatıvterin bekitý týraly» №QR DSM-138 buıryǵynyń negizinde aýyzsýdaǵy hlor kontsentratsııasyn lıtrine 1 ml.-ge deıin arttyrý qarastyrylǵan. ıAǵnı, biz osy buıryq negizinde áreket etip, aýyzsýmen qamtýshy mekemege osy mólsherdi usyndyq. Sý tasqyny kezeńi aıaqtalǵansha Pavlodar, Ekibastuz qalalaryndaǵy sý qubyry qurylystarynda sý daıyndaý barysynda profılaktıkalyq maqsatta gıperhlorlaý júrgiziledi.

«Pavlodar-Vodokanal» kompanııasy kóktemgi sý tasqyny kezinde aýyzsýda qaýipti ınfektsııalardyń kóbeıip ketýiniń aldyn alý maqsatynda sýǵa qosylatyn hlor mólsheriniń kóbeıtilgenin rastady. Mekeme ókilderi krannan alynǵan sýdy qaınatýdy jáne uzaq tundyryp baryp ishýdi usynyp otyr.

Eske sala keteıik, buǵan deıin Pavlodarda mal qorymy men zırattarǵa jaıylǵan qarǵyn sý Ertiske aǵyp jatqany týraly aqparat tarady. Óńirlik sanıtarııalyq-epıdemıologııalyq baqylaý departamenti bul aqparattyń jalǵan ekenin málimdedi.