Pavlodar kóshelerinde 100-ge jýyq til zańnamasyn buzý faktisi anyqtaldy
Qalanyń mádenıet jáne tilderdi damytý bólimi kórneki aqparat quraldarynyń zańnama talaptaryna sáıkestigine turaqty túrde monıtorıng júrgizedi. Monıtorıng kezinde qarapaıym erejelerdiń saqtalýy tekseriledi: aqparat mindetti túrde memlekettik jáne orys tilderinde bolýy, mátinniń durys ornalasýy, qatesiz bolýy jáne maǵynasyn burmalamaý.
- Bıyl sáýir-mamyr aılarynda Nazarbaev dańǵyly, M.Júsip, Qaıyrbaev, Buqar jyraý, Edige bı sııaqty iri kóshelerge 10 márte monıtorıng júrgizildi. Nátıjesinde 97 zań buzýshylyq faktisi anyqtaldy. Eń jıi kezdesetin qatelikter - mańdaıshalar, preıskýranttar tek orys tilinde jazylǵan, sondaı-aq qazaq tilinen qate aýdarylǵan jáne grammatıkalyq qateler. Bizdiń basty mindetimiz – kásipkerlerdi jazalaý emes, til zańnamasyn saqtaý boıynsha keńes berý, - dedi bólimniń bas mamany Іlııas Serim.
Aıta keteıik, kórneki quraldardaǵy anyqtalǵan qatelikterdi túzetý úshin 3 kúnnen 15 kúnge deıin ýaqyt beriledi. Eger atalmysh zań buzýshylyq bil jyl ishinde 2-3 márte qaıtalansa 5-ten 25 AEK-ke deıin aıyppul salynady.