Pavlodar qalasy ákiminiń orynbasaryna tártiptik óndiris taǵaıyndaý usynyldy
Atalǵan vedomstvonyń bas mamany Elýhan Ergebaev Ádep boıynsha keńestiń hatshylyǵyna «Qazaqstannyń kommýnıstik halyq partııasy» Pavlodar oblysy boıynsha qoǵamdyq birlestigi «Pavlodar qalasy kondomınıým nysandaryn ustaý jáne basqarý organdarynyń Assotsıatsııasy» jeke kásipkerler men zańdy tulǵalar birlestiginiń tóraıymy S. Ivanovadan qalalyq TÚKSh, JK jáne AJ bóliminiń zańdy tulǵalaryna qatysty joldaǵan shaǵymnyń mazmunymen tanystyryp ótti.
- Úsh aı boıy tamyz, qyrkúıek jáne qazan aılarynda TÚKSh jáne AJ bóliminde jumysta turaqtylyq joq, - deıdi Elýhan Ergebaev. - Bólimde eki basshylyq bar. Onyń biri - shartty túrde bólim basshysynyń mindetin atqarýshy Ashat Omarov bolsa, ekinshisi - bólimge jalpy basshylyq júrgizetin Zikrııa Soltanǵazınov. Buǵan qosa, qoldaǵy bar aqparatqa súıensek, ekinshisiniń memlekettik qyzmetshi sertıfıkaty joq. Ivanovanyń shaǵymy boıynsha jospardan tys júrgizilgen tekseris kezinde keıbir jaǵdaılardyń beti ashyldy. Qyzmettik tekseris júrgizý barysynda 2018 jyldyń shilde aıynda Soltanǵazınovtyń jeke ótinishi boıynsha jumystan bosatylýyna baılanysty bólim basshysynyń mindetin atqarý qyzmetine onyń orynbasary Ashat Omarov taǵaıyndalǵan. 24 tamyz kúni Omarovtyń buıryǵymen negizgi qyzmetkerdiń dekrettik demalysta bolý ýaqytynda qujatpen qamtamasyz etý sektoryna Zikrııa Soltanǵazınov jumysqa qabyldanǵan. 25 qyrkúıekte qala ákiminiń ókimimen Ashat Omarovqa eńbek demalysynyń bir bóligi berilip, artynan óz erkimen jumystan ketken.
Omarovtyń sózinshe, 20 tamyz kúni qala ákiminiń orynbasary Andreı Balashovpen TÚKSh bóliminiń qyzmetkerlerine Zikrııa Soltanǵazınovqa TÚKSh bóliminiń uıymdastyrý jáne barlyq óndiristik máselelerdi qamtamasyz etý qyzmeti mindettelgen. Budan keıin Zikrııa Soltanǵazınov ınspektor bola tura, tamyz aıynan bastap bólim qyzmetkerlerimen jáne merdigerlermen jınalys ótkizgen. Bólim basshysynyń kabınetine jaıǵasqan. Ashat Omarov aıǵaq retinde TÚKSh bólimi qyzmetkerlerimen Zikrııa Soltanǵazınov ótkizgen jıyn kezinde jazyp alynǵan aýdıodybysty usynǵan.
Mamandar da Soltanǵazınovtyń bólim basshysy bolmastan jınalys ótkizgenin, bólimmen kelisimshartqa otyrǵan merdigerlik uıymdardyń ókilderi de senbilikke qatysty jáne basqa da tapsyrmalardy bergenin, TÚKSh bóliminiń úsh qyzmetkeri úsh aı boıy bólim basshysy mindetin Soltanǵazınovtyń atqarǵanyn rastaǵan. Ol jınalys ótkizip qana qoımaı, nysandarǵa baryp, jumys barysyn baqylaǵan.
- Qala ákiminiń orynbasary Balashov TÚKSh salasy men turǵyn úı ınspektsııasy jumysyn úılestiredi, - deıdi Elýhan Ergebaev. - Ol ózine júktelgen mindetti tıisti deńgeıde oryndamaǵan. Nátıjesinde qala ákiminiń orynbasary tarapynan baqylaýsyz TÚKSh bólimin kelisimshart boıynsha ınspektor retinde qabyldanǵan Soltanǵazınov basqarǵan. Soltanǵazınov memlekettik qyzmetshi emes ári oǵan ýaqytsha bólimdi basqarý mindeti júktelmegen. Nátıjesinde Andreı Balashovtyń áreketinde Ádep kodeksin buzý, ıaǵnı óziniń qyzmettik mindetin tıisti deńgeıde atqarmaý belgileri anyqtaldy.
Andreı Balashov bolsa, TÚKSh salasynda eshbir másele oryn almaǵanyn alǵa tartyp, Soltanǵazınovty bólim basshysy retinde tanystyrǵan emestigin aıtyp aqtaldy.
Qyzmettik tekseristiń qorytyndysy boıynsha Ádep jónindegi keńes Andreı Balashovqa qatysty sógis retinde tártiptik óndiris taǵaıyndaýdy usyndy.
Aıta keterligi, búgingi tańda qujattary arnaıy tekseriske tapsyrylǵan Zikrııa Soltanǵazınov TÚKSh boıynsha ákimniń keńesshisi mindetin atqarýshy bolyp jumys isteýde.