Pavlodar qalasy ákiminiń orynbasary taǵaıyndaldy
20:55, 07 Qarasha 2016
ASTANA. QazAqparat - Búgin qalalyq máslıhattyń 12-kezekten tys sessııasynda Pavlodar qalasy ákiminiń ekonomıkalyq máseleler jónindegi orynbasary taǵaıyndaldy.
Óziniń jańa orynbasary Berik Aqylbekovty shahar basshysy Nurjan Áshimbetov tanystyrdy dep habarlaıdy pavlodarnews.kz.
« Berik Ahmedııanuly Pavlodar oblysynyń týmasy. 1971 jyly Kachır aýdany, Bobrovka aýylynda dúnıege kelgen. Joǵary bilimi bar. 1988-1993 jyldar aralyǵynda Almaty halyq sharýashylyǵy ınstıtýty - Qazaq memlekettik basqarý akademııasynda, 1998 jyl - Qazaqstan Respýblıkasy Prezıdenti janyndaǵy ulttyq joǵary memlekettik basqarý mektebinde bilim alǵan. Buǵan deıin QR ınvestıtsııalar jáne damý mınıstrliginde, Óskemen qalasy ákiminiń keńesshisi bolyp jumys istegen», - dedi Nurjan Áshimbetov.