Pavlodar qalasynyń burynǵy ákimi energetıka basqarmasyn basqarady

<p>Erjan Imanzaıpov Pavlodar oblystyq energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy. Ol buǵan deıin Ekibastuz jáne Pavlodar qalalarynyń ákimi bolǵan, dep habarlaıdy Kazinform.</p>

Pavlodar oblysy ákiminiń ókimimen Imanzaıpov Erjan Beıbituly óńirlik energetıka jáne turǵyn úı-kommýnaldyq sharýashylyq basqarmasynyń basshysy laýazymyna taǵaıyndaldy.

Erjan Beıbituly 1984 jyly týǵan, joǵary bilimdi. Eńbek jolyn 2006 jyly Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń bas mamany bolyp bastaǵan.

2006-2011 jyldar aralyǵynda QR ındýstrııa jáne saýda mınıstrliginiń qurylys jáne turǵyn úı-kommýnaldyq sharýashylyq isteri komıtetiniń, QR tabıǵı monopolııalardy retteý agenttiginiń jetekshi mamany bolyp qyzmet etti.

2011 jyldan 2013 jylǵa deıin Aqmola oblysynyń tabıǵı monopolııalardy retteý departamenti dırektorynyń orynbasary, odan soń 2014 jylǵa deıin – QR tabıǵı monopolııalardy retteý agenttiginiń basqarma basshysy, departament dırektorynyń orynbasary bolyp eńbek etti.

2014-2017 jyldary Pavlodar qalasy ákiminiń orynbasary, Ekibastuz qalasy ákiminiń orynbasary qyzmetterin atqardy. 2017 jyldan 2019 jylǵa deıin Pavlodar oblysynyń energetıka jáne turǵyn úı-kommýnaldyq sharýashylyq basqarmasyn basqardy. 2019 jyldan 2020 jylǵa deıin Ekibastuz qalasynyń ákimi boldy. 2023 jyldyń qyrkúıegine deıin Pavlodar qalasynyń ákimi laýazymynda qyzmet atqardy.

Bul laýazymǵa deıin óńirlik kásipkerlik jáne ındýstrııalyq-ınnovatsııalyq damý basqarmasynyń basshysy boldy.