Pavlodar qalasyndaǵy turǵyn úılerdiń kóbinde jylý joǵalyp ketti

<p>PAVLODAR. KAZINFORM &mdash; Pavlodar qalasynyń shyǵys jáne ońtústik bóligindegi shaǵyn aýdandarda búgin túske qaraı jylý men ystyq sý joǵalyp ketti. Jergilikti bılik buǵan JEO-1-de sý ótkizetin japqyshty aýystyrý jumystary júrgizilip jatqany sebep boldy dep otyr.</p>

Qazirgi ýaqytta oblys ortalyǵynyń shyǵys jáne ońtústik aýmaqtarynda jylý men ystyq sý joq. Negizgi másele JEO-1 –den jylý alatyn Ýsolka, Dachnyı, Ekinshi Pavlodar, MDS shaǵyn aýdandaryndaǵy kópqabatty turǵyn úılerde baıqalyp otyr.

«JEO-1 stansasynda sý qysymy ótetin japqyshty aýystyrý jumystary júrgizildi. Osyǵan baılanysty jylý parametrleri ýaqytsha tómendetildi. Saǵat 15.00-de jumystar aıaqtaldy, temperatýralyq rejım qalpyna keltirilip jatyr. Birneshe saǵat ishinde jylýmen qamtamasyz etý kórsetkishi qalypqa keledi», - dep habarlaǵan edi Pavlodar qalasy ákiminiń baspasóz qyzmetinen.

Qazirgi ýaqytta atalǵan aýmaqtarda jylý ázirshe joq. Jergilikti bılik jylýsyz otyrǵan úılerdiń sanyn naqtylaı almaı otyr.

Buǵan deıin Pavlodar oblysynda turǵyn úılerdi jylýǵa qosý aıaqtalǵany týraly habarlaǵanbyz.