PAVLODAR. KAZINFORM — Pavlodar qalasynda voleıboldan erlerdiń ulttyq lıga komandalary arasynda Qazaqstan chempıonatynyń oıyndary bastalady.
Beısenbi jáne juma kúnderi birinshi týrǵa kiretin matchtar márege jetetin bolady.
Odan keıin ekinshi týr básekeleri bastalady.
Atyraý qalasynda ótken birinshi týrdan keıin alty matchtyń beseýinde jeńiske jetken «Jetisý» (Taldyqorǵan) klýby 15 upaımen kósh bastap keledi. Oraldyń «Jaıyǵy» 13 upaımen ekinshi orynda tursa, el chempıony «Taraz» (12 upaı) úshinshi, bıylǵy kýbok jáne sýperkýbok ıegeri «Aqtóbe» (11 upaı) tórtinshi satyǵa jaıǵasqan.
Kókshetaýdyń «Ushqyn-Kókshetaý» komandasy ǵana áli birde-bir jeńiske jetken joq.
Beısenbi, 19 jeltoqsan kúni «Aqtóbe» - «Esil» (SQO), «Jaıyq» - «Atyraý», «Jetisý» - «Býrevestnık» (Almaty), «Pavlodar» - «Taraz» komandalary ózara synǵa túsedi.
Eske sala keteıik, budan buryn voleıboldan Oraldyń «Jaıyǵy» birinshi týrdy 2-orynmen aıaqtaǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).