Pavlodar qalasynda kesheden beri jaýrap otyrǵan úılerge jylý berilip jatyr

<p>PAVLODAR. KAZINFORM - Keshe túste jylýdan ajyratylǵan Pavlodardyń shyǵys jáne ońtústik bóligindegi úılerge búgin ala tańnan jylý berilip jatyr. Qazir páterlerde ystyq sý da júrip tur.</p>

Pavlodarlyqtardyń biraz bóligi ótken túndi sýyq páterlerde ótkizdi. Keshe túske taman qalanyń shyǵys jáne ońtústik bóligindegi shaǵyn aýdandarda men ystyq sý joǵalyp ketken edi. Jergilikti bılik buǵan JEO-1-de sý ótkizetin japqyshty aýystyrý jumystary júrgizilip jatqany sebep boldy dedi. Negizgi másele JEO-1 den jylý alatyn Ýsolka, Dachnyı, Ekinshi Pavlodar, MDS shaǵyn aýdandaryndaǵy kópqabatty turǵyn úılerde baıqaldy.

Al búgin tań aldynda páterlerdegi sýyp ketken batareıalarǵa jylý júgire bastady. Deıturǵanmen turǵyndar páterleriniń áli de jylı qoımaǵanyn aıtady. Soǵan qaraǵanda JEO-1 jylý parametrlerin tolyq kótere qoımaǵan sııaqty.

Eske sala keteıik, 22 qazan kúni Pavlodar qalasyndaǵy turǵyn úılerdiń kóbinde jylý joǵalyp ketti 

Al buǵan deıin Pavlodar oblysynda turǵyn úılerdi jylýǵa qosý aıaqtalǵany týraly habarlaǵanbyz.