Pavlodar áýejaıyna aıyppul ne úshin salyndy

<p>PAVLODAR. KAZINFORM - Pavlodar áýejaıynyń ǵımaratyndaǵy saýda alańdaryn jalǵa alý quny jyl basynan 15 paıyzǵa qymbattaǵan. Air Astana áýe kompanııasy bul sheshimmen kelispeı, memlekettik baqylaýshy organǵa shaǵymdandy.</p>

Bul týraly QR Básekelestikti qorǵaý jáne damytý agenttiginiń Pavlodar oblysy boıynsha departamenti basshysynyń orynbasary Qýat Óteýov habarlady.

«Departamentke «Pavlodar áýejaıynyń» saýda alańdaryn jalǵa berý jónindegi qyzmetterge monopolııalyq joǵary baǵany belgileý bóliginde ústem jaǵdaıdy teris paıdalaný belgileri boıynsha «Air Astana» áýe kompanııasynan shaǵym tústi. Ol boıynsha tergeý júrgizildi. Jaldaý aqysynyń ósýiniń negizgi sebebi – eńbekaqynyń, tazalaý quraldaryn satyp alý shyǵyndarynyń ulǵaıýy, kommýnaldyq qyzmet tarıfteriniń ósýi keıin tergeý Kásipkerlik kodeksiniń 224-baby negizinde toqtatyldy», - dep málimdedi Qýat Óteýov.

Deıturǵanmen áýejaıǵa 664 myń teńge aıyppul salyndy. Buǵan tergeý sheńberinde suratylǵan aqparatty 5 kúnniń ishinde usynbaýy sebep bolǵan.

Eske sala keteıik, Astana áýejaıy 14 maýsymnan bastap jumys ýaqytyn uzartady.