Pavlodar áýejaıy uzaq ýaqytqa jabylýy múmkin

<p>PAVLODAR. KAZINFORM &mdash; Sáýir aıynda áýejaıdyń ushý-qoný jolaǵy men ǵımaratyn jóndeý jumystary bastalady. Joba respýblıkalyq bıýdjetten qarjylandyrylady.</p>

Oblys ortalyǵyndaǵy áýejaıdyń jolaýshylardy ótkizý múmkindigin keńeıtý úshin áýejaı ǵımaratyn jáne ushaq qonatyn jolaǵyn tolyqtaı jańartý kózdelip otyr. Jóndeý jumystary bıylǵy sáýir aıynda bastalyp ketpek.

«Bul jobaǵa respýblıkalyq qazynadan 6,6 mlrd teńge bólinedi. Jobada ushý-qoný jolaǵyn, ishki joldar men perrondy rekonstrýktsııalaý, jaryqsıgnaldy jabdyqtardy aýystyrý, perımetrdi jaryqtandyrý men beınebaqylaý júıelerin ornatý, qorshaý qarastyrylǵan. Osyǵan baılanysty bıylǵy jyldyń sáýir aıynan qarasha aıyna deıin barlyq áýe baǵyttary ýaqytsha toqtatylady», dep habarlady Pavlodar oblysy ákiminiń baspasóz qyzmetinen.

Jergilikti áýejaı jańarǵan soń saǵatyna 400 jolaýshyǵa deıin ótkizýge múmkindigi bolady. Qazirgi ýaqytta jergilikti áýejaıdan Astana men Almaty qalalaryna turaqty áýe reısteri bar. Jóndeý jumystary bastalǵan ýaqytta «Pavlodar áýejaıy» AQ topyraqty jolaqqa ýaqytsha sertıfıkat alatyn bolsa, qalalar arasynda shaǵyn kólemdi AN-24 ushaqtary ushýy múmkin.