Pavlodar áýejaıy bıýdjettiń 142 mln teńgesin negizsiz jumsaýǵa talpynǵan

<p>PAVLODAR. KAZINFORM &mdash; -Áýejaı basshylyǵy arnaıy tehnıkalardy joǵary baǵamen satyp alýdy josparlaǵan. Bul jaǵdaı zańǵa tompaq kelip otyr. Óńirlik sybaılas jemqorlyqqa qarsy qyzmettiń baspasóz qyzmeti habarlaǵandaı, Pavlodar qalasyndaǵy áýejaı arnaıy tehnıkany negizsiz satyp alýǵa tyrysqan.&nbsp;</p>

 

«Uıym jalpy somasy 64 478 000 teńgege (birligine 32 239 200 teńge) 2 júk kóligin satyp alýdy josparlaǵan. Sondaı-aq, 46 455 000 teńgege assenızatordy jáne 31 mln teńgege samosvaldy satyp alǵysy kelgen. Atalǵan arnaıy tehnıkalardyń naryqtaǵy quny áldeqaıda tómen, mysaly assenızator 21 mln teńge tursa, al samosvaldyń ortasha baǵasy - 25 mln teńge. Antıkor eriktileriniń aralasýynan keıin satyp alý toqtatyldy, shamamen 142 mln teńgege bıýdjettiń tıimsiz paıdalanylýyna jol berilmedi», dep málimdedi antıkor qyzmetinen.

Eriktiler memlekettik organdardyń basshylaryn memlekettik satyp alý máselelerin turaqty baqylaýda ustaýǵa jáne baǵany kóterý faktilerine jol bermeýge shaqyryp otyr. Óıtkeni mundaı monıtorıngter úzdiksiz júrgiziledi.