Pavlodar ákimi ata-anasynyń qamqorlyǵynsyz qalǵan balalarǵa 100 myń teńgeden syılady

PAVLODAR. QazAqparat - Balalarǵa Pavlodar qalasy ákiminiń atynan jańajyldyq syılyqtar saltanatty túrde tabys etildi, dep habarlaıdy QazAqparat Pavlodarnews.kz saıtyna silteme jasap.

Pavlodar qalasy bilim bóliminiń málimetinshe, dástúr boıynsha, Jańa jyl qarsańynda Aıaz Ata men Aqshaqar – ata-anasynyń qamqorlyǵynsyz qalǵan jetim balalardy quttyqtady.

- Balalar arasynda koronavırýs ınfektsııasynyń taralýyna jol bermeý maqsatynda Pavlodar qalasy ákiminiń jańajyldyq shyrshasy onlaın formatta ótti, 181 balaǵa quttyqtaý hat, táttiler jáne 100 000 teńgeden berildi, - delingen habarlamada.

Pavlodar qalasynyń ákimi quttyqtaý hatynda balalarǵa oqýda joǵary jetistikterge jetýin jáne zor densaýlyq tiledi.

Esterińizge sala keteıik, jaqynda Pavlodar oblysynyń orman jáne janýarlardy qorǵaý mekemesi Pavlodar aýylynda turatyn Varlam esimdi balaǵa armandaǵan smartfonyn syılaǵan bolatyn.