Pavel Dýrov qamaýdan shyqqannan keıingi alǵashqy málimdemesin jasady

<p>ASTANA. KAZINFORM &ndash; Telegram negizin qalaýshy Pavel Dýrov Frantsııada ustalýyna qatysty alǵash ret túsinikteme berdi, dep habarlaıdy&nbsp;<a href="https://tass.ru/obschestvo/21787925" target="_blank" rel="noopener">TASS</a> aqparat agenttigi.&nbsp;</p>

Dýrov bul ózi úshin kútpegen jaǵdaı bolǵanyn atap ótip, frantsýz bıligi óz shaǵymdaryn jeke ózine emes, Telegram-ǵa joldaýy kerek edi degen pikir bildirdi.

«Eger bir eldiń ınternet qyzmetine kóńili tolmasa, qalyptasqan tájirıbe boıynsha bul qyzmettiń ózine qarsy sotqa shaǵymdanýy kerek edi. Bas dırektordy ózi basqaratyn platformada úshinshi tulǵalar jasaǵan qylmystar úshin aıyptaýǵa smartfondar paıda bolǵanǵa deıin qoldanylǵan zańdardy qoldaný – qate tásil», - dep jazdy Dýrov óziniń Telegram arnasynda.

Ol, sondaı-aq, eger bul quraldardyń yqtımal teris paıdalanylýy úshin jeke adam jaýapty bolýy múmkin ekenin bilse, eshbir ınnovator eshqashan jańa quraldardy jasamaıtynyn qosyp aıtty.

Onyń aıtýynsha, qupııalylyq pen qaýipsizdik arasyndaǵy durys tepe-teńdikti saqtaý qıyn, óıtkeni qupııalylyq týraly zańdardy ártúrli vedomstvo talaptary men zańdarymen úılestirý qajet.

«Platforma retinde siz ózińizdiń protsesterińizdiń búkil álem boıynsha dáıekti bolýyn jáne zań ústemdigi álsiz elderde qııanatqa ushyramaýyn qalaısyz. Biz durys teńgerimdi tabý úshin baqylaýshy organdarmen ózara árekettesýge tyrysamyz», - dep atap ótti kásipker.

Ol, sondaı-aq, kompanııanyń EO-da suraýlar jiberýge bolatyn resmı ókili bar ekenin atap ótti.

Dýrov Frantsııa bıliginiń ótinishi boıynsha lańkestikpen kúresý úshin Telegram arqyly senim telefonyn qurýǵa kómekteskenin baıandady.

Sondaı-aq, ol messendjerdi «anarhıstik jumaqqa» aınaldy degen aıyptaýdy joqqa shyǵardy.

Onyń aıtýynsha, paıdalanýshylar sanynyń 950 mln-ǵa deıin ósýi qylmyskerlerge platformany óz maqsattary úshin paıdalanýǵa múmkindik beretin jańa synaqtarǵa ákeldi. Bolashaqta Dýrov Telegram-dy teris paıdalaný múmkindigine qatysty jaǵdaıdy jaqsartýǵa nıetti.

Frantsýz aqparat quraldarynyń habarlaýynsha, Pavel Dýrov 24 tamyzda Parıjdiń Le Býrje áýejaıynda balalarǵa qarsy qylmysqa, esirtki saýdasyna jáne alaıaqtyqqa qatysy bar degen aıyppen ustalǵan.

Ilon Mask Dýrovtyń ustalýyn sóz bostandyǵyna kepildik beretin AQSh Konstıtýtsııasyna engizilgen birinshi túzetýdiń «jarnamasy» dep atady.

Al Telegram komandasy platformadaǵy qııanat týraly aıyptaýlardyń aqylǵa qonymsyz ekenin aıtty.

Eýropalyq Politico basylymy Frantsııada Telegram negizin qalaýshy Pavel Dýrovtyń aǵasy Nıkolaı Dýrovqa da izdeý jarııalanǵanyn habarlady.