Pavel Dýrov Hamster Kombat qosymshasyn qoldanýshylarǵa vırtýaldy aqshany Qazaqstan arqyly shyǵarý múmkindigin usynbaqshy

<p>ASTANA. KAZINFORM &ndash; Telegram messendjerin jasaýshy, negizin qalaýshy Pavel Dýrov Hamster Kombat qosymshasynyń krıptovalıýtasy jýyrda ǵana &laquo;Astana&raquo; halyqaralyq qarjy ortalyǵynda resmı túrde tanystyrylǵan The Open Network (TON) blokcheın júıesinde paıda bolatynyn málim etti. Qazaqstan blokcheın tehnologııalar jáne jasandy zeıin qaýymdastyǵynyń tóraǵasy Dáýren Qarashev <a href="https://kaz.inform.kz/" target="_blank" rel="noopener">Kazinform </a>tilshisine osy ózgerister qazaqstandyqtardyń ómirine qalaı áser etetinin aıtty.&nbsp;</p>

TON júıesi tranzaktsııalaý komıssııasy tómen, jyldamdyǵy joǵary blokcheın jasaýǵa arnalǵan. P.Dýrov bul júıe osy tıptes júıelerdiń ishindegi áldeqaıda jyldam ári jetilgen ekenin aıtyp júr. Birinshi kezekte ortalyqtandyrylmaǵan, qosymshalar men servısterdiń jumysyna baǵyttalǵan. Jaqynda Astana halyqaralyq qarjy ortalyǵynyń qarjylyq qyzmetterdi retteý komıteti TON júıesi ózderiniń normatıvtik standarttaryna sáıkes keledi.

Hamster Kombat – Telegram messendjeriniń TON blokcheın júıesiniń bazasynda jumys isteıtin shaǵyn qosymshasy. Ol qosymsha qoldanýshylarǵa ekrandy túrtý arqyly ǵana vırtýaldy valıýta tabýdy usynady. Qarapaıym ǵana oıyn arqyly tabylǵan tsıfrlyq aqshany shynaıy krıptoaqshaǵa aınaldyrýǵa bolatyny týraly málimetter álem boıynsha 239 mıllıonnan astam qoldanýshyny tapqan. Qazaqstanda da bul oıyn týraly beınerolıkter kóp tarap jatyr.

Dáýren Qarashev bul jobany áli de zertteı túsý kerek dep otyr. Aıtýynsha, búginde altkoındar naryǵynyń jaǵdaıy máz emes. Al Hamster Kombat pen onyń HMSTR tokeni ózine uqsas júıelerdiń ishinde kósh bastap tur deýge kelmeıdi. Hamster Kombat qosymshasy NOT júıesiniń arqasynda ǵana qoldanýshylar arasynda tanylyp jatyr. Alaıda shilde aıynda Hamster Kombat-tyń kórsetkishteri kóńilge úmit uıalaıtyndaı bolmaýy múmkin.

«Jalpy Tap-To-Earn («túrt te aqsha tap» degen maǵynada) trendi osy NOT júıesinen bastaý alǵan. Biraq bul «ekran basqysh» oıyndardy sánge aınaldyrǵan alǵashqy joba da osy bolatyn. Al krıptovalıýta naryǵynda eń alǵashqy bolyp kórinýdiń mańyzy zor. Al onyń sońynan osy trendke ilesken basqa jobalardyń tabysy alǵashqysyndaı bolmaıdy», - deıdi sarapshy.

Sondaı-aq ol júıeniń qoldanýshylary óte kóp ekenin de eskerý qajettigin aıtady. Dáýren Qarashevtyń sózinshe, Hamster Kombat arqyly aqsha tapqysy keletinder kezindegi NOT júıesi arqyly aqsha tabýǵa nıettilerden 7 ese kóp. ıAǵnı qosymshany jasaýshylar tirkelgen qoldanýshylardyń bir bóligin ǵana «jarylqaýy» múmkin.

Pavel Dýrovtyń Toncoin-dy Astana halyqaralyq qarjy ortalyǵynda tirkeýi onyń artynan HMSTR de keledi degen sóz emes.

«Qazir bizge Astana halyqaralyq qarjy ortalyǵynyń jobalardy irikteý qısyny túsiniksiz. AFSA-nyń lıtsenzııalanǵan platformalarynda saýdaǵa shyǵarylǵan tiziminde eski jobalar kóp. Olardyń kóbiniń saýda kólemi asa tómen. Solaı degenmen el aýzynda júrgen jańa jobalar da bar. Ol jobalardy qandaı negizge súıenip maquldap jatqany qupııa bop qalyp otyr», - dedi D.Qarashev.

Qaýymdastyq tóraǵasy bul bastamalar jahandyq deńgeıde bırjalarǵa asa bir áser ete qoımaıtynyn aıtady. Al qosymshany oılap tapqanda qazaqstandyqtar bolǵanda jaǵdaı basqasha bolar edi.