Pavel Dýrov Frantsııada ustaldy — BAQ

<p>ASTANA. KAZINFORM — Reseıden shyqqan mıllıarder, Telegram negizin qalaýshy Pavel Dýrov Frantsııada ustaldy. Bul jaıynda frantsýzdyń LCI telearnasyna silteme jasap <a href="https://tass.ru/proisshestviya/21680063" target="_blank" rel="noopener">TASS</a> habarlady. </p>

Telearnanyń málimetinshe, onyń janynda qurbysy jáne oqqaǵary bolǵan.   

Pavel Dýrov Parıj mańyndaǵy Le-Býrje áýejaıynda ustalǵan. Frantsııaǵa kásipker jeke bıznes-djetimen Ázerbaıjannan ushyp kelgen deıdi telearnadan.  

Buǵan deıin ol Frantsııada izdeý jarııalanǵan adamdar tiziminde bolǵan. 

«Quqyq qorǵaý organdary Telegram-da moderatsııanyń joqtyǵy jáne jergilikti qyzmettermen yntymaqtasýǵa qulyqsyzdyq Dýrovty esirtki saýdasyna, balalarǵa qarsy qylmystarǵa jáne alaıaqtyq shemalarǵa sybaılas etedi dep sanaıdy» dep habarlaıdy jergilikti TF1 telearnasy.

Vc.ru málimetinshe, osy jańalyqtan keıin mıllıarderge tıesili Toncoin krıptovalıýtasynyń quny 10% beter tómendep ketken. 

Keıbir BAQ taǵylǵan aıyptar boıynsha ol 20 jylǵa deıin sottalýy múmkin degen boljam aıtyp otyr. 

Pavel Dýrov — birneshe jyldan beri Frantsııa azamaty. Degenmen sońǵy jyldary negizinen Birikken Arab Ámirlikterinde turyp keldi. 

Eske sala keteıik, osy jazda Pavel Dýrov Qazaqstanǵa saparlap kelgen bolatyn. 

Onyń aıtýynsha, 20 mln qazaqstandyqtyń 12,5 mıllıony aı saıyn Telegram paıdalanady.

Sondaı-aq taıaýda Pavel Dýrovtyń Býrabaıdaǵy Iqanat mektebiniń oqýshylaryna arnap 356 myń dollar qarjy bólgeni belgili boldy.