Patshanyń qoıyn baǵatyn shopan kerek: Ulybrıtanııadaǵy koroldik fermaǵa jumysshy izdeıdi

<p>ASTANA. KAZINFORM &ndash; Charlz III-tiń súıikti demalys orny Sandrıngemdegi fermada 2000-ǵa jýyq qoı bar. Sandrıngem saraıynyń saıtynda jańa bos oryn paıda boldy: Charlz III-tiń menshigindegi koroldik qoılaryn baǵýǵa jańa <a href="https://sandringhamestate.co.uk/shepherdrole/" target="_blank" rel="noopener">tájirıbeli shopan</a> izdep jatyr.&nbsp;</p>

Bos oryn týraly habarlamaǵa sáıkes, Sandrıngemdegi ferma 200 gektardan astam jaıylymdy qamtyp, qoı men iri qara mal ósiredi. Onda 2000-ǵa jýyq patsha qoıy bar.

Ulybrıtanııa azamattarynyń osy laýazymǵa ótinish berý úshin keminde eki jyldyq tıisti tájirıbesi, júrgizýshi kýáligi jáne jeke ıti bolýy kerek.

«Mal sharýashylyǵyna qumar, kókiregi oıaý, bilim men ósýge beıim úmitkerlerge» basymdyq beriledi. Ótinish berýshi «janýarlardyń eń joǵary standarttaryn saqtaı alatyn» bolýy kerek.

Jumystyń negizgi bóligi kún saıyn mal baǵý, sonymen qatar qys pen kóktem aılarynda tabyndy ustaýǵa kómektesý. Ótinimderdi berýdiń sońǵy merzimi — 27 qyrkúıek.

Sandrıngem — Korol Charlz III men Ulybrıtanııa patshaıymy Kamıllanyń súıikti demalys orny. 2019 jyly Charlz hanzada bolǵan kezde qala syrtyndaǵy fermada mal sanyn kóbeıtýdi buıyrdy. Ol fermany 2022 jyldyń qyrkúıeginde anasy patshaıym Elızaveta II qaıtys bolǵannan keıin mura retinde menishigine alǵan.