Patrıottyq tanytqan azamattardy nagradtaıtyn jańa medal bekitildi

ASTANA. QazAqparat – Patrıottyq tanytqan jáne belsendi azamattyq ustanymymen erekshelengen qazaqstandyqtardy nagrattaýǵa arnalǵan «El úmiti medali» endi 14-ten 35 jasqa deıingi azamattarǵa beriledi. Oqý-aǵartý mınıstri tıisti buıryqqa qol qoıdy, dep habarlaıdy QazAqparat tilshisi.

«El úmiti medali» - patrıottyq tanytqan jáne belsendi azamattyq ustanymy úshin beriletin erekshelik belgisi. «El úmiti medali» erekshelik belgisin alýǵa 14 jastan 35 jasqa deıingi balalar men jastar usynylady», - dep jazylǵan mınıstr Ǵanı Beısembaev qol qoıǵan buıryqta.

Eske salaıyq, buǵan deıin bul nagrada «Elbasy medali» dep atalǵan. Sonymen qatar oǵan tek 29 jasqa tolmaǵan qazaqstandyqtar usynylatyn. Endi «El úmiti medalin» Oqý-aǵartý mınıstrligi tabystamaq.

Qosa ketsek, bıyldan bastap «Daryn» jáne Prezıdenttik ádebı syılyqqa 35 jasqa deıingi azamattar ótinish bere alady.

Eske salaıyq, byltyr 8 jeltoqsanda Senat 35 jasqa deıingilerdi «jastar» sanatyna engizý týraly zań jobasyn maquldaǵan edi.