Páterińizdi urylardan qalaı qorǵaýǵa bolady – ІІM keńesi

<p>ASTANA. KAZINFORM &ndash; Jaz aılarynda azamattar basqa jaqqa jıi saparlaıtyn bolǵandyqtan páter urylary belsendi bola túsedi. Osyǵan oraı Іshki ister mınıstrligi páterińizdi urylardan qorǵaýdyń qarapaıym qaýipsizdik sharalaryn atady.&nbsp;</p>

Olar mynalar:

– Esikke sapaly qulyp ornatyńyz. Kilttiń aınalymy neǵurlym kóp bolsa, urylardyń qulypty ashyp alý múmkindigi azaıady. Durysy 3-4 aınalym bolýy qajet. Páter esiginiń ishke qaraı ashylmaýy da mańyzdy;

– Tereze torlary. Olardy julyp nemese ashyp alý múmkin emes. Torlar tek 1-shi, 2-shi jáne sońǵy qabattardyń turǵyndary úshin ǵana emes, sonymen qatar terezeleri qubyrlar men baspaldaqtar janynda ornatylǵan páter ıeleri úshin de qajet;

– Arnaıy «jalıýzımen» terezeni kúsheıtý. Bul – saıajaı jáne jer úıler úshin taptyrmas nárse. Ol terezelerdi syrtynan ashýdan qorǵaıdy;

– Dabyl júıesin ornatý. Úıge kirgende SMS-habarlama joldaıtyn jáne beınebaqylaý kamerasy bar júıe ornatýǵa bolady;

– Sondaı-aq aqshańyzdy, zergerlik buıymdar jáne olardy qaıda saqtaıtynyńyzdy áleýmettik jelide kórsetpeńiz;

– Uzaq merzimdi demalysqa bara jatqanyńyzdy kópshilikke jarııalamaǵanyńyz abzal;

– Qundy zattardy shkaftarda, matratstardyń astynda saqtamańyz. Bul úshin senimdi seıfterdi nemese bank qyzmetin paıdalanǵanyńyz jón.