Páter jáne 5 mln teńge: Olımpıadada jeńiske jetken dzıýdoshylar marapattaldy

<p>ASTANA. KAZINFORM &ndash; Búgin Almatyda Qazaqstan dzıýdo federatsııasynyń prezıdenti Qýanyshbek Esekeevtiń jetekshiligimen dzıýdodan Parıj Olımpıadasynyń jeńimpazdary men júldegerlerine qurmet kórsetildi.&nbsp;</p>

«Dzıýdodan tuńǵysh Olımpıada chempıony Eldos Smetovke Astana qalasynan úsh bólmeli páter kilti, al Olımpıada oıyndarynyń qola júldegeri Ǵusman Qyrǵyzbaevqa Astana qalasynan bir bólmeli páter kilti syıǵa berildi. Sondaı-aq, álem chempıonatynyń qola júldegeri, Olımpıada oıyndarynda 5-shi orynǵa turaqtaǵan Abıba Abýjaqynovaǵa 5 mln teńgeniń sertıfkaty tabystaldy», - delingen Qazaqstan dzıýdo federatsııasynyń Instagram paraqshasyndaǵy jazbada.

Aıta ketsek, atalǵan sportshylarǵa buǵan deıin de birqatar syı-sııapat jasaldy.

Eske salaıyq, Eldos Smetov — Parıj Olımpıadasynyń chempıony. Qazaq balýany Parıjdegi oıyndardyń fınalynda Lýka Mheıdzemen (Frantsııa) kúresip, qarsylasynan basym tústi.

Taǵy bir otandasymyz dzıýdoshy Ǵusman Qyrǵyzbaev — Parıj Olımpıadasynyń qola júldegeri. Ol jartylaı fınalda 24 jastaǵy brazılııalyq dzıýdoshy Vıllıan Lımamen beldesti.

Sonymen qatar, Ábıba Ábýjaqynova dzıýdodan áıelder arasynda 48 keli salmaqta el namysyn qorǵap jatqan Parıj Olımpıadasynyń qola júldesine qol jetkize almady. Ókinishke qaraı, otandasymyz qola medal úshin talasta shvetsııalyq jas balýan Tara Babýlfatqa jol berdi.