Páter jaldaý baǵasy qymbattady dep TikTik-qa ázili túsirgen áıel jazalandy

ASTANA. QazAqparat - Qyzylordalyq áıel jalǵa alý baǵasynyń kóterilýine baılanysty páterden shyǵarý týraly TikTik-ǵy «ázili» úshin ákimshilik jaýapkershilikke tartyldy. Bul týraly QazAqparat polisia.kz saıtyna silteme jasap habarlaıdy.

Qyzylorda qalasynyń 26 jastaǵy turǵyny otbasymen tabıǵatqa shyǵyp, «500 myń tólemeseńder kvartırany bosatyńdar dep kanalda túnep jatyrmyz» degen TikTok-ta vıdeo jarııalady.

Beınejazba boıynsha polıtsııa qyzmetkerleri tekserý jumystaryn júrgizdi. Nátıjesinde postaǵy málimet shyndyqqa sáıkes kelmeıtin aqparat bergeni anyqtaldy. Ol óziniń jeke úıinde otbasymen birge turatyn bolyp shyqty. Bir sátte myńdaǵan adamdardyń nazaryn aýdarǵan jas áıel bul qarapaıym ázil ekenin aıtady. Oǵan qatysty QR Ákimshilik quqyq buzýshylyq týraly «arnaıy qyzmetterdi kórineý jalǵan shaqyrý» ákimshilik hattama toltyrylyp, ákimshilik aıyppul salyndy.

Onymen profılaktıkalyq áńgime júrgizildi.