Páter ıeleri kooperatıvi MIB qurýǵa kedergi keltirse ne isteý kerek

NUR-SULTAN. QazAqparat – Páter ıeleri kooperatıviniń basshylary turǵyndardyń múlik ıeleriniń birlestigin qurý isine kedergi keltirip, tıisti qujattardy ýaqytynda ótkizbese ne isteý kerek. Ortalyq kommýnıkatsııalar qyzmetinde «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikovke osyndaı suraq qoıyldy, dep habarlaıdy QazAqparat tilshisi.

«Páter ıeleri kooperatıvteri múlik ıeleri birlestigin qurýǵa kedergi keltirgen jaǵdaıda turǵyn úı ınspektsııasyna júginýge bolady. Mundaı jaıttar birdi-ekili ǵana emes. Turǵyn úı ınspektsııasy múlik ıeleri birlestikterimen birdeı turǵyndardyń jıynyn ótkizýge bastama kóterýge quzyretti.

Al qarjylyq jáne atqarý qujattaryn tapsyrý máselesin kelsek, kondomınıým nysanyndaǵy ortaq múlikti kútip ustaý erejelerine ózgertýler engizilip, jańa tarmaq engizildi», - dedi aktsıonerlik qoǵamy ókili.

Onyń aıtýynsha, atalmysh tarmaqta qarjylyq-tehnıkalyq qujattamany ótkizýdiń tártibi kórsetilgen.

«MIB qurylǵan kúnnen bastap 3 kúnniń ishinde burynǵy basqarý nysanyna habarlama berilýi kerek. Bir jaǵynan turǵyn úı ınspektsııasyn da qulaǵdar etý kerek. Atalmysh habarlamany alǵannan keıin burynǵy basqarý nysany ókiletti qabyldaý-ótkizý aktin toltyrady. Páter ıeleri kooperatıviniń tóraǵasy qarjylyq-tehnıkalyq qujattardy akt boıynsha ótkizbese, turǵyn úı ınspektsııasyna júginýge bolady. Ol organ burynǵy basqarý nysanyn barlyq qarjylyq-tehnıkalyq qujattardy berýge mindetteıtin eskertý hat beredi. Tártiptiń bul tarmaǵy jumys istemese, jańa zańnyń 8-baby boıynsha MIB sot organdaryna júginip, talabyn sot tártibinde qoıýǵa quqyly», - dedi Nurbek Serikov.