Páter áperemin: Túrkistan oblysynda alaıaq 13 mln teńgeni qaltaǵa basqan

TÚRKІSTAN. QazAqparat- Kentaý qalalyq polıtsııa bólimine aryzdanǵan jergilikti turǵyn alaıaqtyq qurbany bolǵanyn jetkizgen, dep habarlaıdy QazAqparat tilshisi.

Jábirlenýshiniń aıtýynsha, tanysy Kentaý qalasynan páter alyp beretinin aıtyp, 9 000 000 teńgesin alǵan. Sodan páter de alyp bermegen, aqshasyn da qaıtarmaǵan.

Tártip saqshylary atalǵan jaıtty Qylmys kodeksiniń 190-baby «Alaıaqtyq» boıynsha tirkeýge aldy.

Kentaý QPB polıtseıleri jedel-izdestirý jumystaryn júrgizip, kúdikti dep tanylǵan jergilikti turǵyndy ustady.

Belgili bolǵandaı, kúdiktiniń budan basqa 3 alaıaqtyq jaıtyna qatysy bary anyqtaldy.

Olardyń árqaısysynan «páter alyp beremin» dep 1 500 000 men 2 000 000 teńge alǵan.

Jalpy 13 000 000 teńgege jýyq shyǵyn keltirgen.

Qazirgi tańda kúdiktige qatysty sotqa deıingi tergeý amaldary júrip jatyr.