«Partııalyq tizimniń kúshi nege joıyldy?» - respýblıkalyq basylymdarǵa sholý

ASTANA. 29 jeltoqsan. QazAqparat - Qazaq aqparat agenttigi respýblıkalyq basylymdarda 29 jeltoqsan, beısenbi kúni shyqqan ózekti materıaldarǵa sholýdy usynady.

***

«Egemen Qazaqstan» gazetiniń jazýynsha, keshe QR Ortalyq saılaý komıssııasynyń tóraǵasy Qýandyq Turǵanqulovtyń tóraǵalyq etýimen Komıssııanyń kezekti otyrysy ótti. Onda bir másele - «Rýhanııat» partııasynyń partııalyq tizimin tirkeýdiń kúshin joıý týraly másele qaraldy. Otyrysqa Komıssııa múshelerimen qatar, halyqaralyq uıymdar men otandyq qoǵamdyq birlestikterdiń baı­qaýshylary, Bas prokýratýranyń ókilderi jáne «Rýhanııat» par­tııa­sy­nyń jetekshileri qatysty. Atalǵan másele jóninde Ortalyq saılaý komıssııasynyń hatshysy Baqyt Meldeshov baıandama jasady. Onyń habardar etýinshe, osy jyldyń 27 jel­toq­sanynda Ortalyq saılaý komıs­sııa­sy­na Qazaqstan Respýblıkasy Bas pro­ký­ratýrasynyń Altynshash Jaǵanova­nyń «Rýhanııat» partııasynyń par­tııa­lyq tizimin usyný jáne tirkeý tár­ti­biniń buzylýy týraly ótinishin qaraý nátıjelerine baılanysty tujyrymy kelip túsken. Maqalanyń mán-jaıyn bilgińiz kelse «Partııalyq tizimniń kúshi nege joıyldy?» degen taqyrypqa nazar aýdaryńyz.

«Astanadaǵy «Dýman» oıyn-saýyq ortalyǵynda Qazaq­stan Respýblıkasy Prezı­denti­niń atynan jetim balalar men ata-ana qamqorlyǵynan aıyryl­ǵan balalarǵa arnalǵan Jańa jyl­dyq shyrsha ótti», - dep jazady «Egemen Qazaqstan» gazeti. Basylymnyń atap ótýinshe, osynda balalardy Elbasy Nur­sultan Nazarbaev LED-dıs­pleıdegi ekran arqyly kele jatqan Jańa jylmen quttyqtap, mol baqyt, zor densaýlyq, oqýda ozat bolýǵa tilektestigin bildirdi. «Qymbatty balalar, búgin baı­taq elimizdiń barlyq óńirinde óne­geli balalar Jańa jyldyq shyr­shanyń aınalasyna jınal­dy. Jańa jyl, eń aldymen, balalar men búldirshinderge qýanysh syılaıtyn mereke. Men senderdi, sender arqyly barsha qazaq­stan­dyq balalardy kele jatqan Jańa jyl merekesimen quttyqtaımyn», - dedi Prezıdent N.Nazarbaev.

***

«El Úkimet Kárim Másimovtiń tóraǵalyǵymen keshe osy jyldaǵy óziniń sońǵy otyrysyn ótkizdi», - dep jazady «Aıqyn» gazeti búgingi sanyndaǵy «Keler jyldan kúterimiz kóp» degen taqyryptaǵy maqalasynda. Basylymnyń atap ótýinshe, eń aldymen Mınıstrler kabıneti Mańǵystaý oblysynan beınebaılanysqa shyqqan «Samuryq-qazyna» ÁAQ basshysy Ómirzaq Shókeev pen oblys basshysy Baýyrjan Muhamedjanovtyń Jańaózendi qalpyna keltirý jumystary jaıyndaǵy málimetterin tyńdady. Osydan keıin kún tártibi boıynsha Qazaqstannyń «Qoıan jylyndaǵy» ekonomıkalyq, «áleýmettik, demografııalyq damýynyń aldyn ala qorytyndylary shyǵaryldy.

***

«Keshe Astanada respýblıkanyń Ulttyq qaýipsizdik komıteti Terrorǵa qarsy ortalyǵy Vedomstvoaralyq úılestirý komıssııasynyń (VÚK) qorytyndy májilisi bolyp ótti», dep jazady «Kazahstanskaıa pravda» gazeti. Komıssııa jumysynyń ózekti máseleleri, sonyń ishinde memlekettik organdardyń terrorǵa qarsy is-qımyl salasyndaǵy ózara árekettestikteri qaraldy. Komıssııa jumysyna 11 respýblıkalyq mınıstrlik pen vedomstvo basshylary men ókilderi qatysty.