Partııalar pikirsaıysy: Respublica partııasy aýyldaǵy aǵaıynnyń shaǵymyn basty baǵdar etip almaqshy

ASTANA. QazAqparat – Aýyldaǵy orta bilimniń deńgeıin qalamen teńestirip, eńbekqor adamdarǵa laıyqty aılyq tóleý, jaǵympazdyq pen jemqorlyqty joıý Respublica partııasynyń basty baǵdary bolmaq.

Partııa tóraǵalarynyń biri Syrymbek Taý «Qazaqstan» ulttyq arnasynyń tikeleı efırinde ótip jatqan pikirsaıysta osyndaı oı aıtty, dep habarlaıdy QazAqparat.

«Bizdiń partııa osy kúnge deıin 700 myńǵa tarta adammen kezdesý ótkizip, 8 oblys, 3 qalany aralady. Biz qala men aýyl arasyndaǵy aıyrmashylyq óte úlken ekenin baıqadyq. Kóp adamnyń aıtyp jatqan usynysy – eńbekqor adamnyń jalaqysy óte tómen.

«Aýyldaǵy balalardyń bilimi men qaladaǵy balalardyń bilim deńgeıi 5 jylǵa ajyrap ketken jáne jemqorlyq shegine jetken. Osyndaı jaǵympazdyqtyń sheginde turmyz», - deıdi. Sondyqtan bizdiń oıymyz – birinshi bilimdi kóterýimiz kerek. Kóp jerde adamdar aıtady, «Birinshi baılyq – densaýlyq», - deıdi. Joq! Birinshi baılyq negizi bilimmen keledi.

«Nege aýylda týǵan bala qaladaǵydaı oqı almaıdy? Onyń kinási ne», - degen suraqqa jaýap taba almaı kele jatyrmyz. Sondyqtan biz eń bastysy bilim máselesin sheshemiz», - dedi Respublica ókili.

Onyń paıymynsha, aýyldarda shaǵyn jáne orta kásipke eshqandaı jaǵdaı jasalmaǵan.

«Ekinshiden, aýyldaǵy orta kásipti óltirip tastaǵan deýge bolady. Orta kásipke eshqandaı jaǵdaı jasalmaǵan. Orta kásipkerlerdiń óz kúshi men umtylysy ǵana bar. Sondyqtan orta kásipti damytýǵa eńbektenemiz. Eńbekqor adamdardyń jalaqysy baǵalanbaı jatyr. Aýyldan keledi de qalada jumys istep, 70 myń teńge alady. Oǵan kún kórý múmkin emes. Sondyqtan eńbekqor adamdardy baǵalaýymyz kerek», - dedi ol.

Syrymbek Taýdyń sózine qaraǵanda, aýyldaǵy saılaýshylar turǵyn úıdiń bári qalada salynyp jatqanynan narazy.

Eske sala keteıik, «Qazaqstan» ulttyq arnasynyń tikeleı efırinde Májilis saılaýyna qatysatyn 7 saıası partııa ókilderiniń arasynda ótken pikirsaıys birer saǵat buryn aıaqtaldy. Oǵan «Amanat» partııasynan Elnur Beısenbaev, «Aýyl» halyqtyq demokratııalyq partııasynan Jıgýlı Daırabaev, Respublica partııasynan Syrymbek Taý, Qazaqstan Halyq partııasynan Ashat Asylbekov, «Baıtaq» jasyldar partııasynan Azamathan Ámirtaev, «Aq jol» demokratııalyq partııasynan Berik Dúısembınov, al Jalpyulttyq sotsıal-demokratııalyq partııasynan Nurlan Áýesbaev qatysty.