Partııalar men ózin-ózi usynýshylar saılaýshylardyń daýysy úshin kúresedi – sarapshy
Sarapshy alda ótetin Májilis pen maslıhat saılaýynyń erekshelikterine toqtalyp, Qazaqstanda júrip jatqan iri reformalar saıası dodanyń tártipteri men onyń ótý protsesine ózgeris ákelgenin aıtty.
«2021 jyly parlamenttik saılaý karantın jaǵdaıynda ótti. Biraq bul saılaý konstıtýtsııalyq merzimde ótti. Aldaǵy saılaý saıası júıeniń jańa erejeler boıynsha múmkindiginshe shuǵyl júzege asyrý úshin merziminen buryn bolady. Saıası reformalar saılaý ótetin jaǵdaılardy aıtarlyqtaı ózgertti. Mysaly, saıası partııalar Májiliske ótý úshin saılaýshylardyń 5 paıyz daýystaryn jınaý kerek. Bul partııalarǵa jeńildik bolyp kórinedi. Biraq jańa partııalar paıda boldy, al keıbir partııalar rebrendıngten ótip, olarǵa jańa kóshbasshylar keldi.
Bul saılaýdyń eń mańyzdy ereksheligi - majorıtarlyq júıe boıynsha depýtattardyń bir bóligin saılaý. Olar tek partııa músheleri ǵana emes, sonymen qatar uıymdardyń ókilderi, sondaı-aq ózin-ózi usynyp, saılaýǵa shyǵa alady. Mundaı júıe buryn bolǵan, biraq 2021 jylǵy saılaýda barlyq máslıhattar partııalyq tizimder boıynsha quryldy. Negizinde biz aralas saılaý júıesine qaıta oraldyq», - dep pikir bildirdi Ermek Toqtarov.
Onyń sózinshe, saılaýda ózin-ózi usynǵan kandıdattarǵa daýys berý halyqtyń saıası protsesterge tikeleı aralasýyna, olardyń mańyzdy sheshimder qabyldaýda ózindik ún qosýyna yqpal etpek. ıAǵnı, bir mandatty okrýgter boıynsha saılanǵan depýtat azamattardyń múddesin minberde kóterýge múmkindik alady.
«Ózin-ózi usynǵan úmitkerler depýtat bolyp saılanǵan jaǵdaıda qoǵamdyq saıasattyń mańyzdy qatysýshylary bolady. Olar okrýgten kelgen óz saılaýshylarynyń múddelerin qorǵaýǵa mindetti. Bul depýtattar azamattar jaǵynan muqııat qadaǵalanady, óıtkeni olardyń mandatyn qaıtarýǵa múmkindik bar. Jergilikti turǵyndar úshin bul óz múddelerin Májilis deńgeıinde de, máslıhattar deńgeıinde de qorǵaýǵa úlken múmkindik. Mundaı jaǵdaı azamattardy qyzyqtyrady jáne olardyń saıası qatysýynyń tıimdiligin arttyrady dep senemin», - deıdi sarapshy.
Sonymen qatar Ermek Toqtarov bıylǵy Májilis jáne maslıhat saılaýynda joǵary básekelestik kútilip otyrǵanyn atap ótti.
«Jańa partııalardyń paıda bolýy jáne bir mandatty okrýgterden ózin-ózi usynýshylardyń qatysýy saılaýdaǵy joǵary básekelestikti qamtamasyz etedi. Ártúrli ıdeıalar men jobalar arasyndaǵy básekelestik bolady. Partııalar men ózin-ózi usynýshylar saılaýshylardyń daýysy úshin kúresedi. Olar eldiń bolashaǵy týraly óz kózqarastaryn, máselelerdi sheshý jańa tásilderin usynatyn bolady. Bul negizgi saılaýaldy belsendilik bolady», - dep bólisti ol.
Ermek Toqtarovtyń aıtýynsha, elimizdegi reformalar men aldaǵy saılaý protsesi bılik organdaryn jańartý arqyly tıimdi memlekettik basqarý júıesin qurýǵa baǵyttalǵan.