Partııa barlyq negizgi mindetterdiń draıveri bolýy kerek – Bıbigúl Núsipjanova

ALMATY. QazAqparat - Partııa barlyq negizgi maqsattar men mindetterdiń draıveri bolýy kerek. Mundaı pikirdi Qazaqstan Respýblıkasynyń eńbek sińirgen qaıratkeri, «Qurmet» ordeniniń ıegeri, pedagogıka ǵylymdarynyń kandıdaty, ónertaný professory, Qazaq ulttyq horeografııa akademııasynyń prorektory Bıbigúl Núsipjanova aıtty, dep habarlaıdy QazAqparat tilshisi.

«Biz jahandyq ózgerister dáýirinde ómir súrip jatyrmyz, biraq bizdiń elimizde ózgerister Memleket basshysy Qasym-Jomart Toqaevtyń Jańa Qazaqstandy qurý jónindegi strategııalyq mańyzdy mindetterinen bastaldy. Úkimet júrgizip otyrǵan barlyq jańartýlar, reformalar memlekettiń bolashaq taǵdyryn aldyn ala belgileıdi. Al bılik partııasy alǵa qoıǵan barlyq negizgi maqsattar men mindetterdiń qozǵaýshysy, uıytqysy, draıveri bolýy kerek. «Amanat» partııasy mazmunyna, kıeli maǵynasyna tolyq saı keletinine senimdimin. Árbir partııa múshesi qoǵam men óskeleń urpaq aldyndaǵy óziniń jeke áleýmettik jaýapkershiligin sezinýi tıis. Men senim, adaldyq jáne yntymaqtastyqty jaqtaımyn, sondyqtan bıliktiń barlyq bastamasyn tolyq qoldaımyn», - dedi Bıbigúl Núsipjanova.

Aıta keteıik, 1 naýryz kúni Qasym-Jomart Toqaevtyń tóraǵalyǵymen «Nur Otan» partııasynyń kezekten tys sezi ótti.

Onyń nátıjesi boıynsha partııa ataýy «Amanat» bolyp ózgerdi.

Sez barysynda QR Prezıdenti partııa aldynda turǵan maqsat-mindetterdi atady.