Parlamenttiń ókilettigin keńeıtý halyqtyń ómirine oń yqpal etedi - senator

ASTANA. QazAqparat - Parlamenttiń ókilettigin keńeıtý - memlekettik basqarý júıesin odan ári jetildirip, eldegi árbir qazaqstandyqtyń ómirine oń áser etetin bolady. Bul týraly «QazAqparat» agenttigine Parlament Senatynyń depýtaty Vladımır Redkokashın málim etti. 

«Elbasy usynyp otyrǵan reformalar, aldyǵa qaraı qaryshtap qadam basý - 2050 strategııasyna jaqyndaı túsý degendi bildiredi»,-dedi Redkokashın.

Ol sondaı-aq Konstıtýtsııaǵa engiziletin túzetýlerdiń bir aı boıyna turǵyndarmen belsendi talqylanǵandyǵyn jáne oǵan baılanysty kópshilik tarapynan kóptegen usynystar aıtylǵandyǵyn jetkizdi.

«Túptep kelgende qazaqstandyqtar konstıtýtsııalyq reformalardy qoldap otyr. Jaqynda ǵana biz «QR Konstıtýtsııasyna ózgerister men tolyqtyrýlar engizý týraly» zańyn jan-jaqty qarap shyqty. Men bizge, ıaǵnı Parlament ókilderine qandaı jaýapkershilik júktelip otyrǵandyǵyn jaqsy sezinemin. Degenmen Parlamenttiń ókilettigin keńeıtý memlekettik basqarýdy odan ári jetildirýge yqpal etip, Qazaqstan turǵyndarynyń ómirine ıgi áserin tıgizedi degen oıdamyn»,-dedi Senat depýtaty.