Parlamenttik saılaýda jeńgen partııa Úkimet quramyn jasaqtaýǵa yqpal etedi
Elbasy úndeý barysynda bılik tarmaqtary arasyndaǵy qarym-qatynastardy konstıtýtsııalyq deńgeıde tepe-teń etý mańyzdy ekenin atap ótti.
"Úkimet qurýda Parlament rólin, mınıstrlerdiń depýtattar aldyndaǵy jaýapkershiligin kúsheıtý asa mańyzdy. Parlamenttik saılaýda jeńiske jetken partııa Úkimet quramyn jasaqtaýda sheshimdi túrde áser ete alady. Osyǵan baılanysty, endi Úkimetti burynǵydaı Prezıdent aldynda emes, Parlament aldynda bosatý zańdy bolady. Parlament Palatalary tarapynan Úkimet múshelerine senimsizdik tanytý tártibin jeńildetý qajet. Bul zań shyǵarýshy bıliktiń atqarýshy bıliktiń ústinen baqylaýyn kúsheıtedi", - dedi Memleket basshysy.
Elbasynyń sózinshe, Úkimetke memlekettik baǵdarlamalardy bekitý quzyryn bergen jón, sebebi ol memlekettik baǵdarlamalardyń júzege asyrylýyna tolyq jaýapkershilik alatyn bolady.
"Úkimetke onyń quramyna kirmeıtin ortalyq atqarýshy organdardy qurý jáne joıý quzyryn berý kerek. Prezıdent Úkimet pen Premer-Mınıstrdiń aktilerine tyıym salý jáne toqtata turý quqyǵynan bas tartýy múmkin. Osynyń barlyǵy atqarýshy organdar men olardyń basshylarynyń jaýapkershiligin arttyrady, qajetti quzyrmen qamtamasyz etedi. Prezıdenttiń zań kúshine ıe Jarlyqtary da óziniń ózektiligin joǵaltty. Jergilikti atqarýshy bılikke qatysty Parlamenttiń rólin arttyrý kózdelgen", - dedi Elbasy.