Parlamentte Úkimettiń jáne Joǵary aýdıtorlyq palatanyń esepteri qaralady
10:28, 15 Mamyr 2023
ASTANA. QazAqparat – Parlament QR Úkimetiniń jáne Joǵary aýdıtorlyq palatasynyń 2022 jylǵy respýblıkalyq bıýdjettiń atqarylýy týraly esepterin qaraıdy, dep habarlaıdy QazAqparat tilshisi.
«Qazaqstan Parlamentiniń qaraýyna QR Úkimeti jáne QR Joǵary aýdıtorlyq palatasy 2022 jylǵy respýblıkalyq bıýdjettiń atqarylýy týraly esepterin engizdi. Úkimettiń 2022 jylǵa arnalǵan respýblıkalyq bıýdjettik oryndalýy jónindegi esebiniń negizgi parameterlerine toqtalsaq, byltyrdyń qorytyndysy boıynsha bıýdjettiń túsimderi 16 trln 140 mlrd teńgeni nemese jospardan 102, 1 paıyzdy qurady. Shyǵystar 18 trln 532 mlrd teńge somasynda atqaryldy», - dedi Májilis depýtaty Mádı Takıev.
Osy oraıda ol Májilistiń Qarjy jáne bıýdjet komıteti Úkimettiń jáne Joǵary aýdıtorlyq palatasynyń esepteri boıynsha qorytyndysy ázirleýge daıyn ekenin aıtty.
Budan buryn habarlanǵandaı, 2025 jylǵa qaraı bıýdjet tapshylyǵyn tómendetý josparlanyp otyr.