Parlamentarııler kelesi sessııada qandaı zań jobalaryn qaraıdy
«Biz osy sessııada zań shyǵarý jumysyna erekshe qarqyn berdik. Sol qarqyndy aldaǵy ýaqytta da saqtaýdyń mańyzy zor. Parlamentarııler kelesi sessııada saılaýshylardyń ózekti máselelerin sheshýge, Prezıdenttiń saılaýaldy baǵdarlamasyn iske asyrýǵa erekshe ekpin berýge tıis. Biz Ulttyq qordan balalarǵa bólinetin tólem máselesi jónindegi zań jobasymen jumysty jalǵastyramyz. Bul – Prezıdenttiń aýqymdy reformalary aıasyndaǵy negizgi bastamasynyń biri», - dedi Májilis spıkeri.
Sonymen qatar ol segizinshi saılanǵan Parlamenttiń ekinshi sessııasynda depýtattar qandaı zań jobalarymen jumys isteıtinin atap ótti.
«Memleket basshysynyń tapsyrmasy boıynsha Salyq, Bıýdjet, Sý, Qala qurylysy kodeksterimen, Memlekettik satyp alý, Ǵylym jáne tehnologııalyq saıasat týraly zań jobalarymen jumys isteý mindeti aldymyzda tur», - dedi Erlan Qoshanov.