Parlament Jetisý oblysynda iri jel elektr stantsııasyn salý týraly qujatty qaraıdy

<p>ASTANA. KAZINFORM &mdash; Parlament Májilisiniń qaraýyna &laquo;Qazaqstan Respýblıkasynyń Úkimeti men Saýd Arabııasy Koroldiginiń Úkimeti arasyndaǵy jel elektr stantsııasy jobasyn iske asyrý týraly kelisimdi ratıfıkatsııalaý týraly&raquo; zań jobasy kelip tústi.</p>

«Atalǵan kelisimge eki eldiń úkimeti 2024 jylǵy 7 naýryzda qol qoıdy. Kelisim maqsaty — Qazaqstan aýmaǵynda jańartylatyn energııa kózderin, „jasyl“ tehnologııalar men ınnovatsııalardy paıdalanyp, eki el arasyndaǵy yntymaqtastyq aıasynda jahandyq jylynýǵa qarsy sharalardy júzege asyrý. Osy qujat boıynsha jalpy qýaty 1 GVt jel elektr stantsııasy jobasyn Jetisý oblysynda salý josparlanǵan», — dedi Májilis depýtaty Edil Jańbyrshın palatanyń jalpy otyrysynda.

Jobany iske asyrý aıasynda 250-ge tarta turaqty jumys ornyn ashý, 3 myńǵa jýyq ýaqytsha jumys ornyn qurý eskerilgen.

«Shamamen 1,8 mlrd AQSh dollary somasynda ınvestıtsııa tartý qarastyrylǵan. Májilistiń Ekologııa máseleleri jáne tabıǵat paıdalaný komıteti zań jobasy boıynsha qorytyndy ázirleýge daıyn», — dedi depýtat.

Eske salsaq, bıyl naýryzda Saýdııanyń ACWA Power kompanııasy dırektorlar keńesiniń tóraǵasy Muhammed Abýnaııan Jetisý oblysynda qýaty 1 GVt bolatyn jel elektr stantsııasyn salý jónindegi birlesken ınvestıtsııalyq jobanyń perspektıvalary, sondaı-aq Qazaqstanmen «jasyl» energetıka salasyndaǵy ózara yqpaldastyq jospary jaıynda aıtty.