Parlament ıadrolyq qaýipsizdik salasyna qatysty bólek zań qabyldaıdy – AES salýdy qoldaý jónindegi Halyqtyq shtab
Tarazda Halyqtyq shtab músheleri óńirdegi pedagogtar qaýymymen kezdesti. Іs-sharaǵa 350-den astam adam qatysty. Shtab músheleri Memleket basshysy muǵalimder men bilim berý salasyna aıryqsha kóńil bóletinin atap ótti. «Pedagog mártebesi týraly» zań qabyldandy, muǵalimderdiń jalaqysy men áleýmettik qamsyzdandyrylýy edáýir ósti, bilim berý salasyndaǵy ınfraqurylym máseleleri júıeli túrde sheshilýde, el aýmaǵynda «Jaıly mektepter» salynýda. Sondyqtan ustazdar qaýymynyń bizdiń qoǵam úshin óte ózekti AES taqyryby týraly tolyq aqparat alyp, beıbit atomnyń barlyq artyqshylyǵyn túsinýi, tolǵandyrǵan suraq-saýaldarǵa jaýap alýy – asa mańyzdy.
Májilis Spıkeri, «AMANAT» partııasynyń Tóraǵasy Erlan Qoshanov atap ótkendeı, atom elektr stantsııasy – elimizge energetıkalyq turǵyda táýelsizdik alýǵa múmkindik beretin bolashaqtyń jobasy. Sondyqtan, bolashaǵy jarqyn, baqýatty elge aınalǵymyz kelse, balamasy joq AES salý múmkindigin ótkizip almaýymyz kerek.
«Referendýmǵa deıin bir aıǵa jeter-jetpes ýaqyt qaldy. Osy jerde oblystyń úzdik ustazdary bas qosyp otyr. Sizderdiń bedelderińiz bıik, sózderińiz ótimdi. Prezıdent reformalary men bastamalaryn únemi qoldap kelesizder. El bolashaǵyna qatysty taǵdyr sheshti sátte árdaıym aldyńǵy shepten tabylasyzdar. Osy joly da durys tańdaý jasaý úshin tize qosa jumys isteımiz dep senemin. Barshańyzdy memlekettiń bolashaǵy úshin, balalarymyzdyń keleshegi úshin AES salý jónindegi bastamany biraýyzdan qoldaýǵa shaqyramyn!», – dedi ol pedagogterge qarata aıtqan sózinde.
Sondaı-aq, «AMANAT» partııasynyń Tóraǵasy jýyrda Úkimet atom energetıkasy salasynda kadr daıarlaý jóninde salalyq baǵdarlama qabyldaıtynyn aıtty. Atap aıtqanda, aldaǵy úsh jylda «Bolashaq» baǵdarlamasy boıynsha úzdik álemdik joǵary oqý oryndaryna dál osy salaǵa qatysty granttar beriledi, ýran ónerkásibi mamandary úshin taǵylymdama jáne qaıta daıarlaý baǵdarlamalary engiziledi. Bul qadam qurylys jumysy aıaqtalǵan kezde 3 myńnan astam joǵary bilikti maman daıarlaýǵa múmkindik beredi. Sondyqtan muǵalimder oqýshylardyń naqty ǵylymdardy ıgerýge degen qyzyǵýshylyǵyn arttyryp, bolashaq mamandyqtaryn tańdaýǵa atsalysýy mańyzdy.
Budan soń jınalǵan kópshilik aldynda Shtab músheleri sóz sóıledi. Ulttyq ǵylym akademııasynyń prezıdenti Aqylbek Kúrishbaev álemdegi atom energetıkasyn damytý trendteri, ıadrolyq taqyrypqa qatysty qazaqstandyq ǵylymı ázirlemeler týraly aıtyp, elimiz AES salýǵa daıyn ekenin atap ótti. Májilis depýtaty Muqash Eskendirov el ekonomıkasyn odan ári damytý úshin energetıkalyq problemalardy barynsha tez sheshýdiń mańyzyna egjeı-tegjeıli toqtaldy. Al ıAdrolyq fızıka ınstıtýtynyń dırektory Saıabek Sahıev qazirgi zamanǵy úshinshi býyn ıadrolyq reaktorlardyń qaýipsizdigi, senimdiligi, ekologııalyq tazalyǵy jáne tıimdiligi týraly habardar etti.
Halyqtyq shtab músheleri jergilikti temirjol qyzmetkerlerimen de kezdesti. Olar Memleket basshysy óz Joldaýynda kólik-logıstıka salasyn damytýǵa erekshe nazar aýdarǵanyn eske saldy. Máselen, temirjol salasyna keshendi reformalar qajet, jańa temir joldar salý, jańa poıyzdar, vagondar satyp alý, tsıfrlandyrýdy engizý jáne basqa da máselelerdi sheshý kerek.
Máselen, temirjol jelisin elektr energııasymen qamtýdyń tómen deńgeıi búginde ótkizý qabileti shekteýliniń birden-bir sebebi bolyp otyr. Bul – jolaýshylar men júkterdi jetkizý jyldamdyǵyna da keri áser etedi. Shý-Almaty ýchaskesinde elektr energııa jıi úziledi. Tranzıttik áleýeti joǵary memleketimiz úshin bul qomaqty paıdadan qaǵylý degen sóz. Buǵan jol berýge bolmaıdy. Jedel sheshimin tabý qajet. AES qurylysy osy máselelerdiń sheshimin taýyp, otandyq temir joldyń qoljetimdi tarıfter boıynsha senimdi elektr energııasyna degen qajettiligin jabady.
Shtab músheleri óńir kún jáne jel elektr stantsııalary boıynsha elde jetekshi orynǵa ıe ekenine qaramastan, olar turaqty qýat bere almaıtynyn atap ótti. AES qaýipsizdigi týraly aıta otyryp, Parlament ıadrolyq qaýipsizdik jáne qorshaǵan ortany qorǵaý salasyna qatysty jeke zań qabyldaıtyny erekshe atap ótildi. Bul qujat AES-ty jobalaý, salý jáne paıdalanýdyń qatań qaýipsizdik standarttaryn qamtıdy.
Osy kúni AES salýdy qoldaý jónindegi Halyqtyq shtab músheleri Merki aýylynyń turǵyndarymen – qarjylyq saýattylyqty arttyrýǵa arnalǵan «Qaryzsyz qoǵam» jáne «Aýyl amanaty» jobalarynyń qatysýshylarymen kezdesti. Іs-shara «Agrosaýat» oqý ortalyǵy alańynda ótti. Bul ortalyqta eginshilik, qus jáne mal sharýashylyǵy negizderi aqysyz oqytylady.
Osylaısha, atalǵan baǵdarlamalarǵa qatysýshy aýyl turǵyndary bıznes ashý, jylyjaı salý, mal satyp alý jáne sharýa qojalyǵyn damytý úshin jeńildikpen beriletin nesıe alady. Alaıda, senimdi elektr energııa bolmasa, bul jobalar júıeli júzege asa almaıdy. Osyǵan baılanysty, aýyl turǵyndary AES qurylysyna qoldaý bildirip, bul jobanyń eldegi agroónerkásiptik keshendi odan ári damytýda strategııalyq mańyzy bar dep sanaıdy.
Jalpy, Halyqtyq shtabtyń barlyq kezdesýlerinde óńir turǵyndary AES salýǵa joǵary qyzyǵýshylyq tanytyp, aldaǵy referendýmǵa qatysýǵa daıyn ekenin jetkizdi.