Parlament úsh jylǵa arnalǵan bıýdjetti qabyldady

<p>Búgin Májilistiń jalpy otyrysynda palata depýtattary &laquo;2024 &ndash; 2026 jyldarǵa arnalǵan respýblıkalyq bıýdjet týraly&raquo; Zańyna qatysty Senat jańa redaktsııada usynǵan jekelegen baptarmen kelisti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aıta keteıik, ótken aptada Senat úsh jyldyq bıýdjetke túzetý engizip, Májiliske qaıtardy.

Sol kezde senator Sultanbek Mákejanov osy zańdy talqylaý barysynda Senattyń turaqty komıtetterinen jáne depýtattardan ózgerister men tolyqtyrýlar engizý jóninde 180 usynys kelip túskenin aıtty.

Al búgin atalǵan qujatqa engizilgen túzetýlerdi Májilistiń jalpy otyrysynda qaraý kezinde depýtat Marhabat Jaıymbetov zańnyń negizgi maqsaty memlekettik ári áleýmettik mindetterdi tolyqqandy oryndap, óńirlerdiń qýatyn kóterýge basymdyq berilgenin aıtty.

«Senattyń usynysy Úkimet pen Prezıdent rezervi esebinen qarastyrylyp, jalpy bıýdjettiń parametrleri ózgerissiz qaldy. Birinshiden, Úkimet rezervinen óńirlerdi damytýǵa qosymsha 44 mlrd teńgege jýyq qarajat qarastyrylǵan. ıAǵnı óńirlerdegi ınfraqurylymdy jańǵyrtýǵa 30 mlrd teńge bólinedi. «Aýyl – el besigi» jobasyna qosymsha 13,6 mlrd teńge jumsalady. Prezıdent rezervinen qosymsha qarajat Memleket basshysynyń mańyzdy bastamalaryn iske asyrýǵa qarastyrylǵan. Onyń ishinde 33 myńnan astam kenshi 55 jastan bastap zeınetkerlik jasqa tolǵanǵa deıin alǵash ret arnaıy áleýmettik tólem alady. Májilistiń Qarjy jáne bıýdjet komıteti Senat engizgen ózgerister men tolyqtyrýlarmen kelisýge bolady esepteıdi», - dedi M. Jaıymbetov.

Jalpy otyrysta Májilis depýtattary Senattyń túzetýlerin qoldady.