«Parlament sııaqty salıqaly orynda, úlken halyqtyq minberde kóz shyǵaryp, bas jaryp jatýdyń nesi sán?!» - respýblıkalyq basylymdarǵa sholý

ASTANA. 1 tamyz. QazAqparat - Qazaq aqparat agenttigi respýblıkalyq basylymdarda 1 tamyz, sársenbi kúni shyqqan ózekti materıaldarǵa sholýdy usynady.

***

Qazaqtyń ulttyq sporty qaısy deseń, aýyzǵa aldymen kókpar, qazaq kúresi jáne toǵyzqumalaq sııaqty oıyndary túsedi. Osynyń ishinde anyq menshikteıtinimiz - qazaq kúresi. Mine osy sport túri arqaý bolǵan maqala «Egemen Qazaqstan» gazetinde «Ulttyq brend» degen taqyryppen jarııalandy. Shyntýaıtyna kelgende, qazaq kúresi - bekzat óner ekendigine erekshe toqtalǵan basylym: «Al qazaq kúresiniń bekzattyǵy sol, tizeden tómen kúrespeıdi. Jerge qulaǵan balýannyń ústine minbeıdi. Uıatqa sanap aıaqtan almaıdy. Tik turyp kúresedi. Ádisteri naǵyz erkekterdiki. Syrttan shalý, jambasqa alý, ishten shalý, keýdege salyp basynan asyra laqtyrý, tizeni búge berip, arqadan asyra laqtyrý, tobyqtan qaǵý sııaqty ǵajap ádisteri bar», - dep jazady basylym.

***

«Qazaqstanda balıǵat jasyna tolmaǵan jas qyzdardyń dúnıege bala ákelýi jyl saıyn kóbeıip otyrǵan kórinedi. Muny jynystyq jáne reprodýktıvtik densaýlyq jónindegi qaýymdastyq mamandary áleýmettik zertteý nátıjesinde anyqtapty», - dep jazady «Alash aınasy» gazeti búgingi sanyndaǵy «Qazaq ádep, «qyryq úıden tyıym» qaıda qaldy?» degen taqyryptaǵy maqalasynda. Atalǵan qaýymdastyq prezıdenti Tamara Júsipálıevanyń aıtýynsha, jyl saıyn elimizde 15-18 jas aralyǵyndaǵy 10 myńdaı jasóspirim qyz dúnıege náreste ákeledi eken.

 

Osy basylymnyń turaqty «Dat!» aıdarynda QR Parlamenti Májilisiniń depýtaty Orazkúl Asanǵazymen aradaǵy suhbat «Parlament sııaqty salıqaly orynda, úlken halyqtyq minberde kóz shyǵaryp, bas jaryp jatýdyń nesi sán?!» degen taqyryppen berilgen. Basylym tilshisiniń barlyq saýalyna tuşymdy jaýap bergen halyq qalaýlysy: «Degenmen «aýyzdy qý shóppen súrte berý» de orynsyz. Táýelsizdik jyldarynda qazaq kóbeıdi, Jaratqan ıemiz qalasa, kóbeıe de bermek. Ulttyq sana-sezimimiz de ósti. Búgingi sapalyq deńgeıi artqan qazaq mektebiniń  oqýshylary erteń bılikke keledi, memlekettik mańyzy bar sharýalardyń tutqasyn ustaıdy. Sonda sapalyq deńgeıimiz búgingiden de eselep arta túsedi. Óz basym osyǵan bek senimdimin», - deıdi.

***

«Kazahstanskaıa pravda» gazetiniń jazýynsha, Memleket basshysy Nursultan Nazarbaev qazaq­stan­dyq sportshy Maııa Manezaǵa Londondaǵy HHH Olımpııalyq oıyndarda altyn medal jeńip alýymen jáne Olımpıada rekordyn jasaýymen quttyqtap, jedelhat joldady. «Londondaǵy HHH Jazǵy Olımpııalyq oıyndardyń aýyr atletıka synyndaǵy tamasha jáne óte aıqyn jeńisińmen quttyqtaımyn. Altyn medal jeńip alyp, sen ózińniń álemniń úzdik sport­shylarynyń biri ekenińdi barshaǵa taǵy bir ret dáleldediń. Óz sheberligińniń, maqsatkerligińniń jáne jeńiske degen jigerińniń arqasynda sen qarsylastaryńnyń úlken qurmetin, mıllıondaǵan jankúıerdiń tánti kóńili men qoldaýyn shynaıy ıelendiń. Qazaqstandyqtardy budan ári de ózińniń sporttaǵy jarqyn jeńisterińmen qýanta berýińe tilektespin», - delingen quttyqtaý jedelhatta.

***
14 shekarashy men «Arqankergen» beketiniń qoryqshysyn óltirdi dep aıyp taǵylyp otyrǵan Vladıslav Chelah Bas prokýratýraǵa ózine psıhologııalyq qysym jasalǵandyǵy jaıynda aryz jazýda. Bul jaıynda «Vremıa» gazetindegi «Davlenıe na psıhıký?» degen taqyryptaǵy maqala aıtylǵan. Basylymǵa bul jaıynda kúdiktiniń qorǵaýshysy Serik Sársenov málim etken. «Meniń qorǵalýshym shaǵym jazýda jáne búgin ne bolmasa erteń qamaýda otyrǵan mekemeniń keńsesine tapsyrýy tıis. Al olar shaǵymdy tirkep, Bas prokýratýraǵa berýi qajet», - deıdi.

***

«Keshe túngi 1-ler shamasynda Almatydaǵy 4-shi qalalyq klınıkalyq aýrýhananyń jansaqtaý bólimshesinde qylmyskerler jaraqattaǵan polıtsııa leıtenanty Ernaz Qojahmetov qaıtys boldy», - «Izvestııa Kazahstan» gazeti búgingi sanyndaǵy «Prestýpnıkı lıkvıdırovany» degen taqyryptaǵy maqalasynda. 26 jastaǵy Ernaz ótken jyldan beri sholǵynshy polıtsııa polkiniń 6 rotasynda qyzmet etetin edi.

***

Osy taqyryptaǵy jalǵastyrǵan «Ekspress K» gazetiniń atap ótýinshe, Almatyda kózderi joıylǵan qylmyskerlerdiń ekstremızmge esh qatysy joq. Qazirgi ýaqytta polıtsııa olardyń aty-jónderin anyqtady. Toptyń basshysy 27 jastaǵy Mońǵolııa týmasy ata-anasymen Pavlodar oblysynda turǵan. Bul jaıynda Almaty qalalyq ІІD baspasóz qyzmetiniń basshysy Saltanat Ázirbek málim etken. Onyń atap ótýinshe, qylmystyq top 10-daǵan qaraqshylyq shabýyl jasaǵan.