Parlament palatalarynyń birlesken otyrysynda Qazaqstannyń bitimgershilik mıssııasy qaralady

<p>ASTANA. KAZINFORM &ndash; Senator Aqmaral Álnazarova 19 qańtarda Parlament palatalarynyń birlesken otyrysynda qandaı taqyryp qaralatynyn aıtty.</p>

Depýtat Birikken Ulttar Uıymy aıasynda Qazaqstan Respýblıkasynyń bitimgershilik kúshterin jiberý máselesi kóteriletinin aıtty.

«Parlamenttiń quzyretine Konstıtýtsııamen bekitilgen birneshe fýnktsııa bar. Sonyń biri Qazaqstannyń alǵan mindettemeleri aıasynda beıbit mıssııalardy oryndaý úshin Prezıdentten tıisti usynys bolsa, bul taqyryp Parlamenttiń birlesken otyrysyna shyǵarylady. Sondyqtan erteńgi otyrysta osy másele qaralmaq», - dedi A. Álnazarov Senatta ótken baspasóz máslıhatynda.

Senator bitimgerler naqty qaı elge jiberiletinin búgin aıta almaıtynyn jetkizdi.

«Negizinde, bul burynnan bar tájirıbe. Qazaqstan osyǵan deıin bitimgershilik kúshterin jibergen, sondyqtan bul jumys josparly túrde iske asyrylady», - dedi A. Álnazarova.

Osyǵan deıin 19 qańtarda Parlament palatalarynyń birlesken otyrysy ótetinin habarlaǵan bolatynbyz.