Parlament Májilisine QHA-dan usynylǵan kandıdattardy saılaý aıaqtaldy

NUR-SULTAN. QazAqparat – Qazaqstan halqy Assambleıasynan usynylǵan QR Parlamenti Májilisi depýtatyna kandıdattardy saılaý aıaqtaldy, dep habarlaıdy QazAqparat tilshisi.

«Qazaqstan halqy Assambleıasy músheleri daýys berýge 351 bıýlleten aldy. Paıdalanylmaǵan saılaý bıýlletenderiniń sany – 157», - dedi Nur-Sultan qalasy boıynsha saılaý komıssııasynyń tóraıymy Baqyt Bektemisova.

Osy oraıda ol paıdanylmaǵan bıýlletender joıylatynyn atap ótti.

Aıta keteıik, búgin elordada Qazaqstan halqy Assambleıasynyń Parlament Májilisine QHA-dan depýtattar saılaýǵa arnalǵan HHVІІІ sessııasy ashyldy.

QHA Keńesi Parlament Májilisiniń depýtattyǵyna 9 kandıdat usyndy: Qazaqstan halqy Assambleıasynan QR Parlamenti Májilisi VI shaqyrylymynyń depýtaty, QHA múshesi Saýytbek Ábdirahmanov, Batys Qazaqstan oblysy armıan etnomádemı «Masıs» qoǵamdyq birlestiginiń tóraǵasy, QHA múshesi Avetık Amırhanıan, Jambyl oblysy Qordaı aýdany Sortóbe aýyldyq okrýginiń ákimi Іlııas Býlarov, Kókshetaý qalasy bilim bóliminiń «Tehnıkalyq lıtseı» KMM dırektory Natalıa Dementeva, «Qazaqstannyń ulttyq kollektorlar palatasy» ZTB tóraǵasy, QHA kásipkerler qaýymdastyǵynyń múshesi ıÝrıı Lı, «Barbang» kúrdter qaýymdastyǵy» respýblıkalyq qoǵamdyq birlestiginiń vıtse-prezıdenti, QHA múshesi Vakıl Nabıev, «Shyǵys» sharýa qojalyǵynyń jetekshisi, QHA múshesi Shamıl Osın, «JetisýOblGaz» JShS bas dırektory Vladımır Tohtasýnov, «Ázerbaıjan qaýymdastyǵy» respýblıkalyq qoǵamdyq birlestiginiń tóraǵasy, QHA múshesi Abılfas Hamedov.