Parlament Keden odaǵynyń quqyqtyq bazasyn qalyptastyrýǵa baǵyttalǵan eki zańdy qabyldady

A. Qarashanyń 19-y. QazAqparat /Qanat Mámetqazyuly/ ‑ Búgin QR Parlamenti Senatynyń jalpy otyrysynda palata depýtattary «taýarlardyń syrtqy saýdasy salasyndaǵy lıtsenzııalaý erejesi týraly kelisimdi ratıfıkatsııalaý týraly» jáne «Úshinshi elderge qatysty biryńǵaı kedendik aýmaqta syrtqy saýdasyn qozǵaıtyn sharalardy engizý jáne qoldaný tártibi týraly kelisimdi ratıfıkatsııalaý týraly» zańdy qabyldady.

 Qazaqstan, Reseı, Belarýs elderi arasyndaǵy Keden odaǵynyń sharttyq-quqyqtyq bazasyn qalyptastyrýǵa qatysty qabyldanǵan osy qujattar endi Memleket basshysynyń qol qoıýyna jiberiledi,  dep habarlaıdy QazAqparat.

Zańnyń alǵashqysy eýrazııalyq ekonomıkalyq qoǵamdastyq sheńberinde Keden odaǵyna qatysýshy memleketter ákelýge nemese áketýge tyıym salý nemese shekteý qoldanatyn taýarlardyń biryńǵaı tizbesine engizilgen úshinshi eldermen saýdadaǵy taýarlardyń eksporty men ımportyna lıtsenzııalar berýdi kózdeıdi. Biryńǵaı tizbeni retteý sharalaryn qoldaný týraly sheshimderdi ózine ókilettikter berilgen kúnnen bastap keden hatshylyǵynyń komıssııasy bekitetin bolady.

Al ekinshi kelisim keden aýmaǵynda úshinshi elderge qatysty tarıftik emes retteýdiń biryńǵaı sharalaryn, taraptar memleketteriniń ulttyq múddelerine súıene otyryp engiziletin jumystardy aıqyndaıdy. Sonymen birge, bul baǵytta taýarlardyń syrtqy saýdasyna tyıym salý men shekteýlerdiń aıryqsha túrlerin engizý jáne qoldaný tártibi qarastyrylady.

Atalǵan eki kelisimge Máskeý qalasynda aǵymdaǵy jyldyń maýsymynda qol qoıylǵan.