Parlament «Kásiptik odaqtar týraly» Zańdy qabyldady
Jańa redaktsııadaǵy qujatta kásipodaq qozǵalysynyń uıymdyq negizderi aıqyndalady. Sonymen qatar zań qyzmetkerlerdiń áleýmettik-ekonomıkalyq quqyqtary men múddelerin qorǵaýdy, áleýmettik janjaldardyń aldyn alýdy jáne osy úshin áleýmettik áriptestiktiń rólin arttyrýǵa baǵyttalady. Atap aıtqanda, birinshiden, qyzmetkerler múddesi ókildigin bildirýde, kelissózder júrgizý barysynda kásipodaqtardyń basym quqyǵyn berý qarastyrylǵan. Al qoldanystaǵy tájirıbe boıynsha qyzmetkerler ókilettik bergen jeke azamattar nemese zańdy tulǵalar kásipodaqtarmen teńdeı dárejede ókildik ete alatyn edi.
Budan bólek, qujatta áleýmettik áriptestik jónindegi komıssııalardyń ókilettigin ulǵaıtý, olardyń fýnktsııalaryn retteý kózdeledi. Mysaly, kásipodaq qozǵalysynyń respýblıkalyq deńgeıinde áleýmettik eńbek qatynastary salasyndaǵy zań jobalaryn qarap, uıǵarymdar daıyndaý, áleýmettik eńbek daýlary men janjaldaryn boldyrmaý normalary qarastyrylǵan. Sonymen qatar kásipodaqtar áleýmettik áriptestik boıynsha múshelikke mindetti bolady. ıAǵnı, kásipodaqtardyń qyzmetin áleýmettik áriptestiktiń tıisti deńgeıinde múshelilik qaǵıdatymen qurý usynylyp otyr. Bul rette kásiporyndar bastaýysh kásipodaq uıymy qyzmetkerleriniń ókili bolyp esepteledi. Bastaýysh kásipodaq uıymy qyzmetkerleriniń múddelerin óńirlik deńgeıde qorǵaý úshin kásipodaqtardyń óńirlik birlestikterine birigý quqyǵy beriledi. Al múddeni salalyq deńgeıde qorǵaý úshin salalyq kásipodaqtarǵa múshe uıym retinde kirigý usynylady. Budan bólek, Senat «Qazaqstan Respýblıkasynyń keıbir zańnamalyq aktilerine kásiptik odaqtardyń qyzmeti jáne eńbek qatynastaryn retteý máseleleri boıynsha ózgerister men tolyqtyrýlar engizý týraly» Zańdy da qabyldady. Qujat arqyly 6 zańnamalyq aktige ózgerister men tolyqtyrýlar engiziledi. Atap aıtqanda, Eńbek kodeksinde kásiptik odaqtardyń, olardyń birlestikteriniń respýblıkalyq, salalyq jáne óńirlik áleýmettik áriptestik deńgeılerde qyzmetkerlerdiń, múshelik uıymdardyń múddelerin bildirý ókilettilikteri naqtylanady. Al Azamattyq is júrgizý kodeksine áleýmettik-eńbek qatynastaryn retteýge baǵyttalǵan erejeler engizý kózdeledi.