Parlament qabyldaǵan zań Elbasy sheshimin quqyqtyq qamtamasyz etetin bolady - S. Temirbolatov
Búgin QR Parlamenti palatalarynyń birlesken otyrysynda «Qazaqstan Respýblıkasynyń Konstıtýtsııasyna tolyqtyrý engizý týraly» zań jobasyn talqylaý barysynda sóz sóılegen Májilis depýtaty Serik Temirbolatov osylaı málim etti.
«N. Nazarbaevtyń Konstıtýtsııaǵa usynǵan tolyqtyrýynyń maqsaty - QR Tuńǵysh Prezıdenti-Elbasynyń kezekten tys prezıdenttik saılaý ótkizý týraly sheshimin júzege asyrý úshin quqyqtyq qamtamasyz etý bolyp tabylady. Óıtkeni, qoldanystaǵy Konstıtýtsııada QR Prezıdentiniń kezekten tys saılaýyn ótkizý týraly másele qarastyrylmaǵan. Sondyqtan da, Negizgi zańnyń 41-babyna engizilip otyrǵan tolyqtyrý arqyly «Saılaý týraly», «QR Prezıdenti týraly» zańdarǵa da ózgerister men tolyqtyrýlar engizýge negiz bolady», - dedi S. Temirbolatov.
Sonymen qatar, depýtat Konstıtýtsııalyq keńestiń shyǵarǵan sheshimine de óziniń pikirin bildirip ótti. «14 qańtarda Parlament qabyldaǵan zańda negizinen 5 mln.-nan astam qazaqstandyqtardyń erik-jigeri qamtylǵan edi. Sondyqtan da, Parlament óziniń konstıtýtsııalyq quqyqtaryn paıdalana otyryp «QR Konstıtýtsııasyna ózgeris pen tolyqtyrý engizý týraly» zańdy qabyldady. Saılaýshylardyń talap-tilekterin basshylyqqa alatyndyqtan, biz basqasha isteı de almaıtyn edik. Konstıtýtsııalyq Keńestiń sheshimi belgili, ol kúshine endi. Al Elbasy Keńestiń bul sheshimine qarsylyq bildirgen joq. Kez-kelgen quqyqtyq memlekettegi sekildi biz konstıtýtsııalyq qadaǵalaý organynyń sheshimin syılaımyz ári sony basshylyqqa alamyz. Alaıda, Konstıtýtsııalyq Keńestiń qaýlysynyń ózi Elbasy ókilettigin uzartýǵa qatysty respýblıkalyq referendým ótkizýdi joqqa shyǵarǵan joq», - dedi S. Temirbolatov.