Parlament depýtattarynyń bastamasymen daıyndalǵan ardagerlerdi turǵyn úımen qamtamasyz etýge baǵyttalǵan zań jobasy qabyldandy
13:05, 29 Sáýir 2010
ASTANA. Sáýirdiń 29-y. QazAqparat /Aıdar Ospanalıev/ - Búgin Parlament Senatynyń jalpy otyrysynda depýtattar «Turǵyn úı qatynastary týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyn qabyldady,
dep habarlaıdy QazAqparat.
Atalmysh qujat Parlament depýtattarynyń zańnamalyq bastama jasaýy tártibimen ázirlengen. Otyrysta boıynsha baıandama jasaǵan Májilis depýtaty Amanqos Ótegenovtyń
aıtýynsha, zań jobasynyń maqsaty Uly Otan soǵysynyń múgedekteri men qatysýshylaryna memlekettik turǵyn úı qoryndaǵy ózderi turatyn úılerdi jeke menshikterine alýlaryna, sondaı-aq olardyń memlekettik turǵyn úı qorynan nemese jergilikti atqarýshy organ jalǵa alǵan turǵyn úı qorynan páter alýǵa quqyq berý bolyp tabylady. Sondaı-aq qujat turǵyn úıi elimizdiń aýmaǵynda ornalasqan biraq apatty dep tabylǵan ardagerlerge de turǵyn úı berý máselelerin retteıdi. Otyrysta zań jobasyn depýtattar biraýyzdan qoldady.