Parlament depýtattary bılikti synaýmen shektelmeýi kerek - Memleket basshysy

ASTANA. QazAqparat – Úkimettiń keńeıtilgen keńesinde Memleket basshysy Qasym-Jomart Toqaev Parlament depýtattaryn bılikti betaldy synaýmen shektelmeýge shaqyrdy, dep habarlaıdy QazAqparat tilshisi.

«Bul Parlament pen Úkimettiń ózara birlesken jumysyna da qatysty másele. Parlament depýtattarynyń oı-pikiri atqarýshy bılikti betaldy synnyń astyna alýdy ǵana kózdemeýge tıis. Úkimettiń de, Parlamenttiń de maqsaty – bir. Bul – halyqtyń qamy jáne eldiń múddesi. Qazirgi kúrdeli geosaıası jaǵdaıda bizge, eń aldymen, myzǵymas birlik qajet. Sondyqtan azamattarymyz Parlamenttiń jańa quramyna erekshe úmit artyp otyr. Al Úkimet Parlamentke óz jumysy jóninde esep beredi»», - dedi Memlekte basshysy.

Sondaı-aq, Prezıdent eldegi áleýmettik kepildikterdiń kólemi qysqarmaıtynyn aıtty.

«Adamı kapıtaldy tıimdi damytý aıasynda memlekettik áleýmettik qoldaý naqty adamdarǵa baǵdarlanǵan jáne ataýly bolýǵa tıis. Áleýmettik kepildikterdiń aǵymdaǵy kólemi qysqarmaýy kerek, biraq shynymen muqtaj azamattardyń paıdasyna qaıta bólinýi tıis», - dedi Memleket basshysy.