Parlament aýyl ákimderin saılaýdyń qoldanystaǵy tártibin qaldyrdy
Budan buryn habarlanǵandaı, ótken aptada Senattyń jalpy otyrysynda zań jobasyn talqylaý barysynda ózgerister engizý qajettigi týyndady.
ıAǵnı salystyrmaly kesteni qarastyrý kezinde aýyl ákimderin tóte saılaýdy engizýge qatysty normany alyp tastaýǵa qoldaý jasaldy. Talqylaýdan keıin senatorlar zań jobasyn engizilgen túzetýlermen Májilis qaraýyna baǵyttaý sheshimin qabyldady.
Atap aıtqanda, osyǵan deıin zań jobasynda aýyldyq deńgeıdegi ákimderdi tikeleı saılaý eskerilgen bolatyn. Osy oraıda ákim jergilikti turǵyndarmen jalpyǵa birdeı teń tóte saılaý quqyǵy negizinde jasyryn daýys berý arqyly tórt jyl merzimge saılanatyny qarastyrylǵan edi. Senattyń jalpy otyrysynda baıandama jasaǵan depýtat Vladımır Volkov túzetýler laýazymǵa saılaýdyń jáne laýazymnan bosatýdyń qoldanystaǵy tártibin saqtaý qajettigine baılanysty engizilgenin atap ótti.
«Májilistiń Zańnama jáne sot-quqyqtyq reforma komıteti Parlament Senaty engizgen ózgertýlerdi qarastyrdy. Senat usynǵan túzetýler aýdandyq mańyzdaǵy qala, aýyl, aýyldyq okrýg ákimi laýazymyna saılaýda qoldanystaǵy tártipti saqtaýǵa baǵyttalǵan. Osy oraıda komıtet Senat engizgen ózgeristermen kelisýdi usynady», - dedi Májilis depýtaty Svetlana Bychkova.