Parlament 2009-2011 jyldarǵa arnalǵan respýblıkalyq bıýdjetke engizilgen ózgerister týraly zańdy qabyldady

annyń 30-y. QazAqparat /Qanat Mámetqazyuly/  - Búgin QR Parlamenti Senatynyń jalpy otyrysynda «2009-2011 jyldarǵa arnalǵan respýblıkalyq bıýdjet týraly» QR Zańyna ózgerister engizý týraly» zańy qabyldandy. Endi qujat Memleket basshysynyń qol qoıýyna jiberiledi,

 dep habarlaıdy QazAqparat.

 Zań boıynsha engizilip otyrǵan ózgerister elimizdiń áleýmettik-ekonomıkalyq damýynyń makroekonomıkalyq kórsetkishteriniń naqtylanýymen baılanysty bolyp otyr. Sondaı-aq qujatta aǵymdaǵy respýblıkalyq bıýdjet shyǵystarynyń boljamdy oryndalýy baǵalanyp, qarjylar qaıta naqtylandy. Bul rette 2009 jylǵy qańtar-qyrkúıektegi el ekonomıkasynyń damý qorytyndylary men álemdik taýar naryqtaryndaǵy sońǵy úrdisterdiń negizinde aǵymdaǵy jylǵy makroekonomıkalyq kórsetkishter boljamy qaıta naqtylanady. «Qujattaǵy álemdik taýar naryqtaryndaǵy sońǵy úrdisterdiń jáne 2009 jylǵy 9 aıdaǵy el ekonomıkasy damýynyń qorytyndylary negizinde aǵymdaǵy jyldyń makroekonomıkalyq kórsetkishteri túzetildi. Máselen, munaıǵa álemdik baǵa bir barreli úshin 40 dollardan 58 dollarǵa deıin kóbeıtildi. Naqty jalpy ishki ónimniń ósýi 0,1 paıyz deńgeıinde boljanýda. Al ınflıatsııa jyldyń aıaǵyna deıin 8-8,5 paıyz deńgeıinde boljanyp otyr. Bul burynǵy boljamnan 2,5-3,0 paıyz tarmaqqa tómen», dedi Ekonomıka jáne bıýdjettik josparlaý mınıstri Baqyt Sultanov.

 Osyndaı kórsetkish nátıjesinde jalpy aǵymdaǵy respýblıkalyq naqtylanǵan bıýdjettiń túsimderi 2 trln. 79,7 mlrd. teńgeni quraıtyn bolady. Bul qoldanystaǵy bıýdjetke qaraǵanda 40 mlrd. teńgege az kórsetkish. Al shyǵystar mólsheri 3 trl. 371,3 mlrd. teńgeni quraıdy. Bul rette bıýdjet tapshylyǵy 573,6 mlrd. teńge shamasynda kórsetilip, onyń absolıýtti mólsheri ózgerissiz qalady, al jalpy ishki ónimge qatysty mólsheri 3,5 paıyzdy quraıdy.

 Sonymen birge, aǵymdaǵy jyly bıýdjet qarajatynyń jete ıgerilmeı qalýyn taldaý barysynda jalpy somasy 138,6 mlrd. teńge shyǵystar qysqartylǵan. Bunyń birqatary sol bıýdjette ishinara qaıta bóliniske tústi. Atap aıtqanda, birqatar shuǵyl sharalardy sheshýge jalpy somasy 98,9 mlrd. teńge shyǵystardy ulǵaıtý qamtylady. Onyń ishinde zeınetaqy tólemderine - 8,7 mlrd. teńge, bilim berý men densaýlyq saqtaýdyń aýyspaly nysandaryn qarjylandyrýǵa - 9,3 mlrd. teńge, Astana qalasynyń problemalyq máselelerin sheshýge - 15,4 mlrd. teńge, Qysqy  Azıada oıyndaryn ótkizýge baılanysty energetıkalyq nysandar salýǵa - 8,4 mlrd. teńge jáne basqa da shyǵystar qarastyrylǵan.