Parkıngterde elektromobılderdi zarıadtaý stantsııalaryn paıdalanýǵa jol berilmeıdi

<p>Tótenshe jaǵdaılar mınıstrligi azamattardyń elektromobılder men olardy zarıadtaý stantsııalarynyń ornalasýy týraly kóptegen ótinishin eskere otyryp, bizdiń elde olarǵa qoıylatyn talaptardyń joqtyǵyna alańdaýda, dep habarlaıdy <a href="https://www.inform.kz/" target="_blank" rel="noopener">Kazinform.</a></p>

Bul fakt barlyq múddeli memlekettik organdar tarapynan erekshe nazar aýdarýdy talap etedi. Óıtkeni keıingi ýaqytta búkil álemdegideı bizdiń elimizde de elektromobılderge suranys artyp keledi. 

Іshki ister mınıstrliginiń málimetine sáıkes bıyl 25 qyrkúıektegi ahýal boıynsha respýblıka aýmaǵynda 6,5 myńnan astam elektromobıl paıdalanylýda.

Bul rette elektromobılderge ornatylǵan batareıalar elektr qýatyn jıi zarıadtaýdy qajet etedi. Búgingi tańda elimizde turǵyn jáne qoǵamdyq ǵımarattardyń avtoturaqtary men parkıngterinde zarıadtaý stantsııalarynyń belsendi ornatylyp jatqany baıqalady. 

Sonymen qatar TJM elektromobılderde ornatylǵan lıtıı-ıondy akkýmýlıatorlardyń órt qaýipti sıpattamalaryna nazar aýdarady. Elektromobılderdegi órtti sóndirýdiń sheteldik tájirıbesi lıtıı-ıondy batareıalardyń tuıyqtalýy, isten shyǵýy, ózdiginen tutanýy jáne jarylýy múmkin ekenin kórsetedi. 

Osyǵan baılanysty, TJM elektromobılder men olardyń zarıadtaý stantsııalaryn ornalastyrý jónindegi halyqaralyq tájirıbeni zerdeleı otyryp, zarıadtaý stantsııalarynyń ornalasqan ornyna, ornalastyrylatyn elektromobılder men zarıadtaý stantsııalarynyń sanyna qoıylatyn talaptardy, eń az araqashyqtyq jáne t. b. belgileý bóliginde sáýlet, qala qurylysy jáne qurylys salasyndaǵy memlekettik normatıvterge ózgerister engizý qajettigin atap ótti. Elektr kóligin paıdalanýdyń praktıkalyq tájirıbesin zertteý úshin Qytaı men Túrkııaǵa qosymsha suranystar jiberildi. 

TJM sáýlet jáne qala qurylysy isteri jónindegi ýákiletti organnyń atyna tıisti talaptardy memlekettik normatıvterde belgileý qajettiligi týraly hat joldaǵanyn atap ótemiz. 

Osyǵan baılanysty, TJM ártúrli maqsattaǵy ǵımarattarynda elektromobılderge arnalǵan zarıadtaý stantsııalaryn ornalastyrýǵa jol berý bóliginde memlekettik normatıvterge qajetti talaptardy zańnamalyq retteýden jáne olar engizilgennen keıin qabyldanǵan túzetýlerge sáıkestikke keltirý maqsatynda órt qaýipsizdigi qaǵıdalarynyń talaptary qaıta qaraıtynyn habarlaımyz. 

Joǵaryda aıtylǵandardy eskere otyryp, tıisti normatıvtik quqyqtyq aktiler qabyldanǵanǵa deıin bokstarda, parkıngterde, kólik quraldaryn qoıýǵa arnalǵan úı-jaılarda, óndiristik garajdardyń úı-jaılarynda, shatyrlardyń astynda jáne elektromobıldi zarıadtaýǵa arnalǵan kólikti saqtaý ashyq alańdarynda aınymaly toktyń zarıadtaý stantsııalaryn paıdalanýǵa jol berilmeıdi.