Parıjdegi Paralımpıada oıyndarynyń ashylý saltanaty aldyndaǵy alaýdy Djekı Chan alyp júredi

<p>ASTANA. KAZINFORM &ndash;&nbsp; Parıjde ótetin Paralımpıada oıyndarynyń ashylý saltanaty aldynda alaý alyp júrýshilerdiń biri ataqty akter Djekı Chan bolady, dep jazady <a href="https://www.scmp.com/sport/paris-olympics-2024/article/3275848/jackie-chan-carry-torch-ahead-paralympics-opening-ceremony" target="_blank" rel="noopener">South China Morning Post.</a></p>

70 jastaǵy túrli trıýktary men ekshn kórinisteri arqyly álemge tanymal akter sársenbi kúni Frantsııa astanasynda ashylý saltanaty bolatyn Paralımpıada alaýynyń estafetasyna qatysady, dep habarlady uıymdastyrý komıteti.

Estafetaǵa frantsýz aktrısasy Elza Zılbershteın men horeograf Benjamen Mılepe de qatysady.

Esterińizge sala keteıik, Paralımpıada alaýy buǵan deıin Frantsııa qalalary arqyly saıahatyn bastady.

Stok Mandevıll aýylynan shyqqan brıtandyq alaýshylar frantsýz áriptesterin jarty jolda kezdestirdi. Olardyń arasynda Paralımpıada qozǵalysynyń jáne birinshi Paralımpıada oıyndarynyń negizin qalaýshy Lıýdvıg Gýttmannyń shóberesi Lora Mılls bar. Kale kommýnasyndaǵy týnneldiń shyǵysynda taǵy 11 alaý jaǵyldy.

Alaýmen júrip ótý sherýi sársenbi kúni 28 tamyzda Parıjde aıaqtalady. Dál osy kúni Paralımpıada alaýy jaǵylady.

Qazaqstan paralımpıadashylary Paralımpıada oıyndaryna segizinshi ret qatysady. 1996 jyldan qazirgi ýaqytqa deıin bizdiń sportshylar Jazǵy Paralımpıada oıyndarynda 7 medal (2 altyn, 4 kúmis jáne 1 qola) jeńip aldy. Buǵan deıin Premer-Mınıstr Oljas Bektenov 2024 jyly ótetin XVII jazǵy Paralımpıada oıyndary qarsańynda Qazaqstan quramasynyń múshelerimen kezdesip, Qazaqstannyń memlekettik týyn tabystap, sáttilik tiledi.

XVII Jazǵy Paralımpıada oıyndaryna qatysatyn paralımpıadashylardyń alǵashqy legi Parıjge attandy.

2024 jyly Parıjde ótetin Paralımpıada oıyndary týraly Kazinform materıaldarynan oqyńyz.