Parıjde jas qazaqstandyq sýretshilerdiń kórmesi ótti

PARIJ. QazAqparat – Qazaqstan Respýblıkasy Táýelsizdiginiń 30 jyldyǵy aıasynda ótkiziletin is-sharalar sheńberinde Frantsııadaǵy Qazaqstan Elshiliginde múmkindigi shekteýli jas qazaqstandyqtar sýretteriniń «Álem balalar kózimen» atty kórmesi uıymdastyryldy. Bul týraly QazAqparat SІM silteme jasap habarlaıdy.

Іs-sharany Qazaqstannyń Frantsııadaǵy Elshiligi, «MPL Culture» kompanııasy, múmkindigi shekteýli balalarǵa kómek kórsetetin «Aıalaǵan alaqan» qazaqstandyq qoǵamdyq qaıyrymdylyq qory uıymdastyrǵan.

Sonymen qatar, qonaqtarǵa frantsýz tiline aýdarylǵan «Áýezhannyń 40 uly» atty qazaq halyq ertegisi kórsetildi. Beıneli kórmelerdiń avtory Angýlem q. Anımatsııa mektebinde ekinshi kýrstyń jas stýdenti Domınıka Qydyrbaeva boldy. Uzaq aılar boıy bul joba boıynsha qazaqstandyqtar men frantsýzdardyń birlese eńbek etti. Búgingi tańda ertegi frantsýz jáne orys tilderine aýdarylǵan. Biraq basqa elderdiń, sonyń ishinde Shveıtsarııa men Germanııanyń qyzyǵýshylyǵyn eskere otyryp, nemis jáne aǵylshyn tilderindegi nusqalary daıyndalýda.

Qazaqstannyń Frantsııadaǵy Elshisi jáne ıÝNESKO janyndaǵy Turaqty ókili Jan Ǵalıev óziniń alǵy sózinde «Aıalaǵan alaqan» qorynyń «múmkindikteri shekteýli emes, biraq sýretterinen shyǵatyn erekshe daryny men jarqyn energetıkasy bar balalardyń shyǵarmashylyǵyn kórsete otyryp», óte mańyzdy jumys júrgizip jatqanyn atap ótti.