Frantsııada Versal saraıy órtendi

<p>ASTANA. KAZINFORM &mdash; Seısenbi kúni túste Versal saraıy shatyrynyń jóndelip jatqan tusynan tútin shyqty, dep habarlaıdy Le Figaro.</p>

Versal saraıynda órtten shyqqan tútindi seısenbi kúni saǵat 15:13–te qamal shatyryn jóndep jatqan jumysshylar baıqaǵan. 

«Órt korol rezıdentsııasynyń mármár aýlasynyń ústinde bastaldy», — dep naqtylady Versal saraıynyń baılanys bólimi.

Birneshe ınternet qoldanýshysy áleýmettik jelide qamaldan býdaqtap tútin shyǵyp jatqany kórinip turǵan vıdeo jarııalady. 

«Órt sóndirýshiler dereý arasha tústi. Olar jalyndy tez arada sóndirdi», — dep habarlady qutqarý qyzmeti.

Bul iske 97-ge jýyq órt sóndirýshi jumyldyrylǵan. 

Olar shatyrda órttiń aldyn alý úshin sonda qalǵan. 

«Eshkim jaraqat almady, kollektsııaǵa zaqym kelgen joq», — dedi Versal saraıynyń baılanys bólimi.